تازہ ترین
  • بریکنگ :- کسی بھی قسم کےتشددکی اجازت نہیں دی جائیگی،فوادچودھری
  • بریکنگ :- بلوچستان میں تخریبی کارروائیوں کےپیچھےسازش ہے،فوادچودھری
  • بریکنگ :- دہشتگردی کوجڑسےاکھاڑدیں گے،وزیراطلاعات فوادچودھری
  • بریکنگ :- جہلم:ملکی معیشت درست سمت میں گامزن ہے،فوادچودھری
  • بریکنگ :- ہمیں دیوالیہ معیشت ملی تھی،وزیراطلاعات فوادچودھری
  • بریکنگ :- نوازشریف اینڈکمپنی نےملکی معیشت کابیڑاغرق کیا،فوادچودھری
  • بریکنگ :- تمام سیاسی جماعتیں عمران خان کےآگےڈھیرہیں،فوادچودھری
  • بریکنگ :- یہ ملک مریم اوربلاول کےحوالےنہیں کیاجاسکتا،فوادچودھری

وزیراعظم کی زیر صدارت کابینہ اجلاس، اپوزیشن جماعتوں کے احتجاج پر بات چیت

Published On 19 January,2021 12:17 pm

اسلام آباد: (دنیا نیوز) وزیراعظم کی زیر صدارت وفاقی کابینہ کا اجلاس جاری ہے جس میں اپوزیشن جماعتوں کے احتجاج پر بات چیت ہوگی، کابینہ میں ملکی سیاسی، معاشی اور سلامتی کی صورتحال کا بھی جائزہ لیا جائے گا۔

وفاقی کابینہ کو امن و امان کی صورتحال اور احتجاج کے دوران حکمت عملی پر بریفنگ دی جائیگی۔ کابینہ کو کورونا کی صورتحال اور ویکسین سے متعلق امور پر بریفنگ دی جائے گی۔ وفاقی کابینہ 15 نکاتی ایجنڈا پر غور کرے گی، کابینہ کو سول سروس ریفارمز پر بریفنگ دی جائے گی، پاکستان آرڈیننس فیکٹریز بورڈ کے چیئرمین کی تعیناتی کی منظوری دی جائے گی۔ یورو بانڈز اور سکوک بانڈز میں ٹیکس چھوٹ کا جائزہ لیا جائے گا۔

کابینہ اسلام آباد میں بجلی اور گیس کے نئے میٹرز کی تنصیبات کے خاتمے سے متعلق کمیٹی کی تشکیل نو کی منظوری دے گی۔ کابینہ اجلاس میں ہائیکورٹ کے فیصلے کی روشنی میں وزیراعظم کے معاونین اور مشیران کی تعیناتی کا جائزہ لیا جائے گا، کراچی ڈھوک لیبر بورڈ کی منظوری کابینہ ایجنڈے میں شامل کرلی گئی۔ این ٹی ڈی سی کے بورڈ آف ڈائریکٹر کی تعیناتی کی منظوری دی جائے گی۔ وفاقی کابینہ ذیلی کمیٹی برائے توانائی کے گزشتہ اجلاس کے فیصلوں کی توثیق کرے گی۔