تازہ ترین
  • بریکنگ :- ملک بھرمیں 24 گھنٹےکےدوران کوروناسےمزید 8 اموات
  • بریکنگ :- ملک بھرمیں کوروناسےجاں بحق افرادکی تعداد 28 ہزار 745 ہوگئی
  • بریکنگ :- 24 گھنٹےمیں کوروناکےمزید 377 کیس رپورٹ،این سی اوسی
  • بریکنگ :- 24 گھنٹےکےدوران 44 ہزار 137 کوروناٹیسٹ کیےگئے،این سی اوسی
  • بریکنگ :- ملک میں کورونامثبت کیسزکی شرح 0.85 فیصدرہی،این سی اوسی

ٹی ٹی پی کے دھڑوں کوبھارتی حمایت حاصل، اقوام متحدہ کی رپورٹ میں بڑے انکشافات

Published On 07 February,2021 02:16 pm

اسلام آباد: (دنیا نیوز) دہشتگردی کیخلاف پاکستانی کوششوں کا عالمی سطح پر اعتراف کر لیا گیا، ٹی ٹی پی کےمنقسم دھڑوں کوبھارتی حمایت سے افغانستان میں اکٹھا کیا گیا۔ ٹی ٹی پی، جے یو اے پاکستان کیلئے خطرہ ہیں، اقوام متحدہ مانیٹرنگ ٹیم نے 27ویں رپورٹ میں بڑے انکشافات کر دیئے۔

اقوام متحدہ کی سکیورٹی کونسل کی تازہ رپورٹ میں اہم انکشافات سامنے آئے ہیں اور بھارت کی الزام تراشیوں کے باوجود دہشت گردوں کے خلاف پاکستان کی کارروائیوں کا اعتراف کیا گیا ہے۔ رپورٹ میں کہا گیا ہے کہ پاکستان دہشتگرد تنظیموں اور گروپوں کے خلاف کارروائی کے لئے ثابت قدم ہے، دہشت گرد تنظیموں کے بھارتی حمایت پر ڈی جی آئی ایس پی آر نے ڈوزیئر پیش کیا، پاکستان نے ٹی ٹی پی اور جے یو اے کو بھارتی فنڈنگ پر اقوام متحدہ کو ڈوزیئر بھیجا۔

رپورٹ میں کہا گیا کہ پانچ گروپوں نے ٹی ٹی پی سے اتحاد کا اعلان کیا جس سے ٹی ٹی پی کی طاقت میں اضافہ ہوا، حملوں میں تیزی آئی۔ ٹی ٹی پی انضمام سے پاکستان اور خطے کے لئے دہشت گردی کے خطرے میں اضافہ ہوا، پاکستان نے ٹی ٹی پی کی طرف سے دہشت گردی کے خطرے کو مستقل طور پر اجاگر کیا جب کہ امریکا نے افغانستان میں مقیم ٹی ٹی پی ، جے یو اے کے دہشت گردوں کو پاکستان کے لئے خطرہ تسلیم کیا۔ یو این مانیٹرنگ رپورٹ میں پاکستان میں دہشت گردوں کے مالی سہولت کاروں کی گرفتاری اور اداروں کے اثاثے منجمد کرنے کی نشاندہی کی گئی۔