اسلام آباد: (دنیا نیوز) نیب راولپنڈی نے شاہد خاقان عباسی کے خلاف نئی انکوائری شروع کر دی۔ نیب نے شاہد خاقان عباسی کو پاکستان پیٹرولیم کے سابق ایم ڈی کی بھرتی میں 26 اپریل کو طلب کرلیا۔
شاہد خاقان عباسی کو 26 اپریل کو ریکارڈ کے ساتھ نیب راولپنڈی طلب کیا گیا ہے۔ نیب نے پی پی ایل میں میگا کرپشن اور وامق بخاری کی غیر قانونی بھرتی کا نوٹس لیا ہے۔ نیب ذرائع کے مطابق پاکستان پٹرولیم کے سابق ایم ڈی کی بھرتی سے متعلق کچھ اہم شکایات موصول ہوئیں تھیں جس سے متعلق اہم ریکارد بھی حاصل کر لیا گیا، مزید تحقیقات کے لئے شاہد خاقان عباسی اور سابق ایم ڈی وامق بخاری کو طلب کیا گیا ہے، ان سے نیب کی ٹیم تحقیقات کرے گی۔
