تازہ ترین
  • بریکنگ :- اسلام آبادہائیکورٹ کامعاملےکی جوڈیشل انکوائری کاحکم
  • بریکنگ :- عدالت کاوفاقی حکومت کوٹی اوآرزبناکرعدالت میں پیش کرنےکاحکم
  • بریکنگ :- آئی جی اسلام آبادشیریں مزاری کوسیکیورٹی فراہم کریں،عدالت
  • بریکنگ :- اسلام آبادہائیکورٹ کےحکم پرشیریں مزاری کورہا کردیاگیا
  • بریکنگ :- شیریں مزاری کاموبائل فون ودیگرچیزیں انہیں واپس کردی گئیں
  • بریکنگ :- اسلام آباد:شیریں مزاری گرفتاری کیس،سماعت 25مئی تک ملتوی

انٹرنیٹ اور الیکٹرانک ووٹنگ پر الیکشن کمیشن کے تحفظات برقرار

Published On 09 May,2021 05:21 pm

اسلام آباد: (دنیا نیوز) ذرائع کے مطابق انٹرنیٹ اور الیکٹرانک ووٹنگ سے متعلق صدارتی ریفرنس الیکشن کمیشن کو اعتماد میں لیے بغیر جاری کیا گیا، کمیشن نے معاملے پر اجلاس بلانے کا فیصلہ کر لیا ہے۔

خبریں ہیں کہ سمندر پار پاکستانیوں کو ووٹ کا حق دینے اور الیکٹرانک ووٹنگ مشینوں سے متعلق صدارتی آرڈیننس پر الیکشن کمیشن نے عید کے بعد اجلاس بلانے کا فیصلہ کیا ہے۔

ذرائع کا بتانا ہے کہ وفاقی حکومت نے الیکشن کمیشن کو اعتماد میں لیے بغیر صدارتی آرڈیننس جاری کیا ہے۔ انٹرنیٹ ووٹنگ اور الیکٹرانک ووٹنگ مشینوں سے متعلق الیکشن کمیشن کے تحفظات برقرار ہیں اور انہیں دور نہیں کیا گیا۔

الیکشن کمیشن کے صدراتی آرڈیننس سے متعلق عید کے بعد ہونے والے اجلاس میں انٹرنیٹ ووٹنگ اور الیکٹرانک ووٹنگ مشین سے متعلق آرڈیننس کا جائزہ لے گا۔

الیکشن کمیشن جائزہ لے کر وفاقی حکومت کو ایک بار پھر آرڈیننس سے متعلق اپنے تحفظات سے آگاہ کرے گا۔