لاہور: (دنیا نیوز) رانا ثناء اللہ نے کہا ہے کہ حکومت جھوٹ بول رہی ہے کہ شہباز شریف کا نام ای سی ایل میں شامل نہیں، حکمرانوں کو عوام کی فکر نہیں، صرف انتقام میں لگی ہوئی ہے۔
پاکستان مسلم لیگ نون کے رہنما رانا ثنا اللہ نے میڈیا سے گفتگو کرتے ہوئے کہا کہ فلسطین میں اسرائیل بدترین ظلم کر رہا ہے، اسرائیلی فورسز معصوم بچوں اور خواتین کو نشانہ بنا رہی ہیں، کابینہ کا اجلاس شہباز شریف کے بجائے مسئلہ فلسطین پر بلاتے تو بہتر ہوتا، چھٹی کے دن وزارت قانون اور دیگر دفاتر کھولے گئے، حکومت کو فلسطین اور کشمیریوں پر ظلم سے کوئی سروکار نہیں۔
