کراچی: (دنیا نیوز) چیئرمین پیپلز پارٹی بلاول بھٹو زرداری نے عالمی یومِ والد کے موقع پر سابق صدر آصف علی زرداری کے لئے نیک تمناؤں کا اظہار کیا ہے۔
سماجی رابطوں کی ویب سائٹ فیس بک پر اپنی پوسٹ میں انہوں نے اپنے والد کو خراج عقیدت پیش کرتے ہوئے کہا کہ سابق صدر آصف زرداری نے جمہوریت کی بحالی کے لئے بغیر کسی فرد جرم کے 12 برس جیل میں گزارے۔
انہوں نے کہا کہ آصف زرداری نے 18ویں ترمیم کے ذریعے 1973ء کا آئین بحال کیا، انہون نے ہی پاک چین اقتصادی راہداری کی بنیاد رکھی۔ اس کے علاوہ نے غریبوں کے لئے بے نظیر انکم سپورٹ پروگرام شروع کرنے سمیت بہت کچھ کیا۔
