تازہ ترین
  • بریکنگ :- برطانیہ کاپاکستان کوریڈلسٹ سے نکالنے کا فیصلہ،وزیراعلیٰ پنجاب کاخیرمقدم
  • بریکنگ :- برطانیہ کاپاکستان پرسفری پابندیوں کا خاتمہ خوش آئند ہے،عثمان بزدار
  • بریکنگ :- فیصلے سے بیرون ملک پاکستانیوں کو بے پناہ ریلیف ملے گا،عثمان بزدار
  • بریکنگ :- برطانیہ پاکستان کا اہم دوست ملک اورتجارتی پارٹنر ہے،عثمان بزدار
  • بریکنگ :- برطانیہ کے فیصلے کو سراہتے ہیں،وزیراعلیٰ پنجاب عثمان بزدار

الیکشن پر ڈاکہ ڈال کر کٹھ پتلی وزیراعظم لانے کافیصلہ ہوچکا: مریم نواز

Published On 19 July,2021 03:58 pm

کہوٹہ: (دنیا نیوز) نائب صدر مسلم لیگ نون مریم نواز نے کہا ہے کہ کشمیریوں کو خبردارکرنے آئی ہوں الیکشن پر ڈاکہ ڈال کر کٹھ پتلی وزیراعظم لانے کا فیصلہ ہوچکا، کشمیریوں کا مقدمہ صرف نوازشریف لڑے گا.

فارورڈ کہوٹہ میں جلسے سے خطاب کرتے ہوئے مریم نواز نے وزیراعظم عمران خان پر تنقید کے نشتر برسا دیئے، انہیں کشمیرکا جعلی وکیل قرار دیا،انہیں مخاطب کرتے ہوئے کہا کہ تمہاری کامیاب خارجہ پالیسی یہ ہےکہ چین نےسی پیک پرکام بند کر دیا۔

انہوں نے کشمیریوں کو کہا کہ نوازشریف آپ کامقدمہ لڑیں گے، سلیکٹرکی طرح مودی کے حوالے نہیں کریں گے، دشمن کے 5 دھماکوں کے جواب میں نوازشریف نے 6 دھماکےک یے، نوازشریف نے کبھی یہ رونا نہیں رویا کہ مودی میرافون نہیں اٹھاتا، نوازشریف کاکشمیرکےساتھ خون کارشتہ ہے۔

مریم نواز نے کہا کہ برہان وانی کامقدمہ لڑنیوالے نوازشریف کو غدار کہا گیا، پاکستان میں جو جتنا بڑا محب وطن ہوتا ہے اسے اتنا ہی بڑا غدار کا لقب دیا جاتا ہے، غداری کا لقب دینے والو دیکھو نوازشریف کی بیٹی آج ایل اوسی پر کھڑی ہے۔