خلاصہ
- اسلام آباد: (دنیا نیوز) وفاقی وزیر اطلاعات و نشریات فواد چودھری نے کہا ہے کہ مریم بی بی نے زندگی میں کبھی کوئی کتاب نہیں پڑھی، دور دور تک ان کا علم، عقل اور کتاب سے کوئی تعلق نہیں، ایسی جہاندیدہ خاتون سے کیا توقع کی جا سکتی ہے۔
بدھ کو اپنے ایک ٹویٹ میں انہوں نے کہا کہ بعض دوستوں نے کہا کہ آپ نے مریم نواز کے یہودی بیانئے پر بات نہیں کی۔ دیکھیں مریم بی بی نے زندگی میں کبھی کوئی کتاب نہیں پڑھی۔ انہوں نے کبھی کوئی کام نہیں کیا، ان کی کل سیاسی تربیت عابد شیر علی، عظمیٰ اور حنا کی ہے، دور دور تک ان کا علم، عقل کتاب سے تعلق نہیں۔
ایسی جہاندیدہ خاتون سے آپ توقع ہی کیا کر سکتے ہیں سارا زور صرف عمران خان کی مخالفت ہےان سےعقل کی توقع کرنا جوئےشیر لانےکے مترادف ہے،ان کی کل CV یہ ہے کہ وہ نوازشریف کےگھرپیدا ہوئیں جنہوں نےعہدے کے غلط استعمال سے اربوں روپے بنا لئے اور اب سارا خاندان بادشاہت کا مزہ لینا چاہتا ہے
— Ch Fawad Hussain (@fawadchaudhry) July 21, 2021
فواد چودھری نے کہا کہ ایسی جہاندیدہ خاتون سے آپ توقع ہی کیا کر سکتے ہیں۔ سارا زور صرف عمران خان کی مخالفت ہے، ان سے عقل کی توقع کرنا جوئے شیر لانے کے مترادف ہے۔
وفاقی وزیر نے مریم نواز پر تنقید کرتے ہوئے کہا کہ ان کی کل سی وی یہ ہے کہ وہ نواز شریف کے گھر پیدا ہوئیں جنہوں نے عہدے کے غلط استعمال سے اربوں روپے بنائے اور اب سارا خاندان بادشاہت کا مزہ لینا چاہتا ہے۔
