تازہ ترین
  • بریکنگ :- اسلام آباد:شیریں مزاری گرفتاری کیس،سماعت 25مئی تک ملتوی
  • بریکنگ :- اسلام آبادہائیکورٹ کامعاملےکی جوڈیشل انکوائری کاحکم
  • بریکنگ :- عدالت کاوفاقی حکومت کوٹی اوآرزبناکرعدالت میں پیش کرنےکاحکم
  • بریکنگ :- آئی جی اسلام آبادشیریں مزاری کوسیکیورٹی فراہم کریں،عدالت
  • بریکنگ :- اسلام آبادہائیکورٹ کےحکم پرشیریں مزاری کورہا کردیاگیا
  • بریکنگ :- شیریں مزاری کاموبائل فون ودیگرچیزیں انہیں واپس کردی گئیں

صدر مملکت کا عید الاضحٰی کے موقع پر پمز ہسپتال کا دورہ، انتظامات پر اظہارِ اطمینان

Published On 21 July,2021 06:03 pm

اسلام آباد: (دنیا نیوز) صدر مملکت ڈاکٹر عارف علوی نے کہا ہے کہ عید کی خوشیاں سب کے ساتھ بانٹنے کی ضرورت ہے، عید کے پرمسرت موقع پر بیماروں کو یاد رکھیں، انہیں اپنی خوشیوں میں شریک کرنا چاہیے۔

ایوان صدر کے پریس ونگ سے جاری بیان کے مطابق صدر مملکت ڈاکٹر عارف علوی نے عید الاضحٰی کے موقع پر پمز ہسپتال کا دورہ کیا۔ بیگم ثمینہ عارف علوی بھی اس موقع پر ان کے ہمراہ تھیں ۔

صدر مملکت کو ہسپتال کی انتظامیہ کی جانب سے بریفنگ دی گئی۔ صدر مملکت اور بیگم ثمینہ عارف علوی نے مختلف وارڈز کا دورہ کیا۔ صدر مملکت بچوں کے خصوصی وارڈز میں گئے، بچوں کی عیادت کی، والدین سے ملے۔

صدر مملکت نے دیگر مریضوں کی عیادت، جلد صحت یابی کی بھی دعا کی۔ صدر مملکت نے ہسپتال میں انتظامات پر اظہارِ اطمینان کیا۔ انہوں نے کہا کہ عید کی خوشیاں سب کے ساتھ بانٹنے کی ضرورت ہے، عید کے پرمسرت موقع پر بیماروں کو یاد رکھیں، انہیں اپنی خوشیوں میں شریک کرنا چاہیے۔