تازہ ترین
  • بریکنگ :- جب سےعدالت نےثبوت مانگےنیب بہانےکررہی ہے،مریم نواز
  • بریکنگ :- حیران ہوں یہ وہی نیب ہےجس نےروزانہ سماعت کی درخواست دی تھی،مریم نواز
  • بریکنگ :- اسلام آباد:حکومت کی کارکردگی نہ ہونےکےبرابرہے،مریم نواز
  • بریکنگ :- ان کےکابینہ ارکان ان کی کارکردگی کیخلاف بات کررہےہیں،مریم نواز
  • بریکنگ :- اسلام آباد:مسلم لیگ ن آزمائشوں کےباوجودنہیں ٹوٹی،مریم نواز
  • بریکنگ :- کہاجارہاہےمسلم لیگ ن کے 4 افرادان سےملےہیں،مریم نواز

'ن لیگ روایتی غنڈہ گردی سے باز رہے، قانون ہاتھ میں لینے والوں کو قانون کی طاقت سے جواب دیں گے'

Published On 28 July,2021 12:41 pm

لاہور: (دنیا نیوز) فردوس عاشق اعوان نے کہا ہے کہ ن لیگ روایتی غنڈہ گردی سے باز رہے، قانون ہاتھ میں لینے والوں کو قانون کی طاقت سے جواب دیں گے۔

معاون خصوصی اطلاعات پنجاب فردوس عاشق اعوان نے سماجی رابطے کی ویب سائٹ پر ٹویٹ کرتے ہوئے کہا کہ پی ٹی آئی کیمپوں میں عوام کا جوش و خروش دیدنی ہے، ن لیگ کے کیمپ ووٹرز کے منتظر، رات کی تاریکی میں نوٹ بانٹ کر ووٹ کو عزت دینے والی ن لیگ منہ کی کھا رہی ہے، پی ٹی آئی انشاءاللہ معرکہ سر کر رہی ہے۔

فردوس عاشق اعوان کا ایک اور ٹویٹ میں کہنا تھا کہ پی پی 38 میں برسوں سے ایک مافیا مسلط رہا، مافیا نے ظل سبحانی کی طرح اپنے محل اور وسیع و عریض جائیدادیں بنائیں، مافیا نے حلقہ کی عوام کیلئے کچھ نہ کیا، پہلی مرتبہ پی ٹی آئی پی پی 38 میں ریکارڈ ترقیاتی کام کروا رہی ہے، پی ٹی آئی یہاں کی عوام کی تقدیر بدل رہی ہے، نیا، بدلتا، ترقی یافتہ پی پی 38 قوم کو مبارک ہو۔