راولپنڈی: (دنیا نیوز) راولپنڈی ائیرپورٹ ہاؤسنگ سوسائٹی میں تیز رفتار ٹریکٹر بے قابو ہو کر گلی میں کھڑی گاڑیوں سے ٹکرا گیا۔ حادثے میں چار افراد زخمی ہو گئے۔ واقعہ سی سی ٹی وی فوٹیج دنیا نیوز کو موصول ہو گئی۔
تفصیل کے مطابق راولپنڈی کے علاقے ائیرپورٹ ہاؤسنگ سوسائٹی میں پانی کی سپلائی دینے والا تیز رفتار ٹریکٹر ریس پھنسے سے ڈرائیور کے کنٹرول سے باہر ہو گیا۔
بے قابو ٹریکٹر کی زد میں آکر چار افراد زخمی ہو گئے جبکہ گلی میں کھڑی متعدد گاڑیوں کو بھی شدید نقصان پہنچا۔
ٹریکٹر واٹر ٹینکر گاڑیاں روندنے کے بعد بجلی کے ٹرانسفارمر سے ٹکرا گیا۔
حادثے کے بعد امدادی اداروں کے اہلکاروں کو طلب کیا گیا اور زخمیوں کو طبی امداد دی گئی جبکہ پولیس نے حادثے کی تحقیقات کا آغاز کر دیا ہے۔
ٹریکٹر کی سی سی ٹی وی بھی دنیا کو موصول ہوئی جس میں دیکھا جا سکتا ہے کہ ٹریکٹر بے قابو ہو کر گاڑیوں سے ٹکرایا۔
