تازہ ترین
  • بریکنگ :- وزیراعظم 3 فروری کو چین کا دورہ کریں گے
  • بریکنگ :- وزیراعظم کےہمراہ 5 وزرابھی جائیں گے،ذرائع
  • بریکنگ :- وزیراعظم کی وزراکودورہ چین سےمتعلق ہدایت،ذرائع
  • بریکنگ :- چین ساتھ جانے والے وزراکوروناسےمتعلق احتیاط برتیں،وزیراعظم
  • بریکنگ :- متعلقہ وزرااپنی وزارتوں سےمتعلق بریفنگ لیں،وزیراعظم کی ہدایت
  • بریکنگ :- دورہ کےدوران مفاہمتی یادداشتوں اورمنصوبوں سے متعلق تیاری کریں،وزیراعظم

سی پیک منصوبے کوکسی بیرونی سازش کا شکار نہیں ہونے دینگے،وزیر داخلہ

Published On 08 August,2021 04:55 pm

اسلام آباد: (دنیا نیوز) وزیر داخلہ شیخ رشید احمد نے دوبارہ اس عزم کا اظہار کیا ہے کہ پاکستان چائنا اکنامک کوریڈور منصوبہ کو کسی بیرونی سازش کا شکار نہیں ہونے دینگے۔

سرکاری میڈیا کے مطابق وزیر داخلہ نے یہ بات چینی سفیر نونگ رونگ نے ملاقات کے موقع پر کہی۔ چینی سفیر نے وزیر داخلہ کی رہائشگاہ پر ان سے ملاقات کی۔ اس موقع پر پاک چین دوطرفہ تعلقات سمیت باہمی دلچسپی کے امورپر تبادلہ خیال کیا گیا۔

وزیر داخلہ نے کہا کہ داسو ہائیڈرو پاور بس حادثہ سے متعلق جاری تحقیقات پربات چیت جاری ہے۔ فریقین نے تحقیقات کو جلدسے جلد مکمل کرنے پر اتفاق کیا۔ شیخ رشید کا کہنا تھا کہ چینی شہریوں اور پاکستان میں کام کرنے والی چینی کمپنیوں کی سکیورٹی کو فول پروف بنایا جائے گا۔

وزیر داخلہ نے مزید کہا کہ پاکستان اور چین کے درمیان تعلقات میں کوئی طاقت رکاوٹ نہیں بن سکتی۔ چینی سفیر نے ملاقات کے دوران کہا کہ پاکستان میں بہت سی چینی کمپنیاں مختلف منصوبوں پر کام کر رہی ہیں۔ انہوں نے چینی شہریوں کو سہولیات دینے پر وزرات داخلہ سے اظہار تشکر بھی کیا۔