تازہ ترین
  • بریکنگ :- مقبوضہ کشمیرمیں بھارتی فوج کی ریاستی دہشت گردی جاری
  • بریکنگ :- بھارتی فورسزکاپلوامہ میں نام نہاد آپریشن،مزید 2کشمیری شہید
  • بریکنگ :- 24گھنٹےمیں شہید کشمیریوں کی تعداد 4ہوگئی،کشمیر میڈیا سروس

شاہ محمود کی تاجک ہم منصب کیساتھ ملاقات، افغانستان کی بدلتی صورتحال پر تبادلہ خیال

Published On 25 August,2021 12:12 pm

دوشنبے: (دنیا نیوز) وزیر خارجہ شاہ محمود قریشی نے تاجک ہم منصب کے ساتھ ملاقات کی، جس میں دو طرفہ تعلقات اور افغانستان کی بدلتی صورتحال پر تبادلہ خیال کیا گیا۔

وزیر خارجہ شاہ محمود قریشی نے وزارت خارجہ تاجکستان میں تاجک ہم منصب کے ساتھ ملاقات کی۔ دونوں وزرائے خارجہ نے باہمی دلچسپی کے امور پر مشاورتی سلسلہ جاری رکھنے پر اتفاق کیا۔

اس موقع پر شاہ محمود قریشی کا کہنا تھا کہ دونوں ممالک کے درمیان روابط کا تسلسل، دو طرفہ تعلقات کے استحکام کا مظہر ہے، بطور صدر شنگھائی تعاون تنظیم تاجکستان نے بہترین قیادت کا مظاہرہ کیا، افغانستان میں امن و استحکام کا فائدہ پورے خطے کو ہوگا۔