تازہ ترین
  • بریکنگ :- موجودہ صورتحال پرتفصیلی بریفنگ اورمعاملات کوبہتر بنانےپرغور
  • بریکنگ :- حکومتی مذاکراتی کمیٹی کالعدم جماعت کے رہنماؤں سےمذاکرات کرے گی
  • بریکنگ :- وزیر داخلہ شیخ رشید کی زیرصدارت اجلاس،ملکی صورتحال کا جائزہ
  • بریکنگ :- لاہور:اجلاس میں حکومتی مذاکراتی کمیٹی کے ارکان شریک

30 سے زائد ممالک کے ایک ہزار 335 افراد کو کابل سے اسلام آباد پہنچایا گیا

Published On 26 August,2021 10:31 am

اسلام آباد: (دنیا نیوز) افغانستان پر طالبان کے کنٹرول کے بعد غیرملکیوں کے انخلا میں پاکستان پیش پیش ہے۔ 30 سے زائد ممالک کے ایک ہزار 335 افراد کو کابل سے اسلام آباد پہنچایا گیا۔

دنیا نیوز کو موصول دستاویز کے مطابق 15 سے 24 اگست کے دوران کابل سے 24 فلائٹس کے ذریعے ایک ہزار 335 غیر ملکی مسافروں کو اسلام آباد لایا گیا، جن میں بیلجیئم کے 15، ڈنمارک کے 43، کینیڈا کے 14، ہالینڈ کے 40 باشندے شامل تھے۔ اس دوران ترکی کے 42، برطانیہ کے 2، امریکا کے 11 شہریوں نے کابل سے انخلا کیلئے پاکستان سے مدد لی۔

پاکستان نے اقوام متحدہ کے تین اہلکاروں کے کابل سے محفوظ انخلا میں بھی مدد فراہم کی۔ مجموعی طور پر 30 سے زائد ممالک کے شہریوں نے پاکستانی پیش کش سے فائدہ اٹھایا، ان ممالک میں بلغاریہ، فرانس، جرمنی، یونان، انڈونیشیا، اٹلی، جاپان، فلپائن، جنوبی افریقہ شامل ہیں۔

دستاویز کے مطابق پاکستان آنے والے غیر ملکیوں میں 874 افغان شہری بھی شامل ہیں۔ اسلام آباد سے کابل جانے والی پروازوں کے ذریعے 521 مسافر افغانستان بھی گئے۔ غیر ملکی شہریوں کے محفوظ انخلا پر مختلف ممالک نے وزیراعظم عمران خان کا شکریہ ادا کیا ہے۔