کراچی: (دنیا نیوز) بلوچستان کے پہلے وزیر اعلیٰ عطا اللہ مینگل انتقال کرگئے۔
تفصیلات کے مطابق بلوچستان کے پہلے وزیراعلیٰ عطاء اللہ مینگل ایک ہفتے سے ہسپتال میں زیر علاج تھے، اہلخانہ نے انتقال کی تصدیق کر دی ہے۔
عطااللّہ مینگل بلوچستان نیشنل پارٹی کے سربراہ اختر مینگل کے والد تھے۔
یاد رہے کہ سردار عطاء اللہ خان مینگل جو عام طور پر عطاء اللہ مینگل کے نام سے معروف ہیں بلوچستان کے علاقے وڈھ سے تعلق رکھنے والے ممتاز سیاست دان و قبائلی رہنما ہیں وہ بلوچستان کے سب سے پہلے وزیراعلیٰ تھے اور یہ منصب 1 مئی 1972ء سے 12 مئی 1973ء سنبھالا۔ وہ مینگل قبیلے کے سربراہ تھے۔
سماجی رابطے کی ویب سائٹ ٹوئٹر پر بلوچستان نیشنل پارٹی (مینگل) کے سینئر رہنما اور رکن صوبائی اسمبلی ثنااللہ بلوچ نے سردار عطااللہ مینگل کے انتقال کی تصدیق کرتے ہوئے کہا کہ بلوچستان نیشنل پارٹی اپنے عظیم قائد، سرپرست اعلیٰ، بلوچستان کے تاریخ ساز قوم پرست رہنما اور مینار بلوچ اب ہمارے درمیان نہیں رہے بی این پی جنازے کا اعلان جلد کرے گی۔
’اِنَّا لِلّٰہِ وَاِنَّآ اِلَیْہِ رَاجِعُوْنَ‘
— Sana Ullah BALOCH, MPA (@Senator_Baloch) September 2, 2021
بلوچستان نیشنل پارٹی اپنے عظم قائد ، سرپرست اعلی بی این پی، بلوچستان کے تاریخ ساز قوم پرست رہینما اور مینار بلوچ اب ھمارے درمیان نہیں رہے - بی این پی جنازہ کا اعلان جلد کرے گا- pic.twitter.com/op3IkXZNol
اُدھر چیئر مین سینیٹ صادق سنجرانی نے عطاء اللہ مینگل کے انتقال پر افسوس کا اظہار کیا ہے۔
انہوں نے کہا کہ سیاسی و سماجی خدمات کو ہمیشہ یاد رکھا جائے گا۔