اسلام آباد: (دنیا نیوز) کورونا کی چوتھی لہر مزید 61 زندگیاں نگل گئی، اموات کی مجموعی تعداد 26 ہزار 175 تک پہنچ گئی ہے، 24 گھنٹے میں تین ہزار 747 نئے مریض سامنے آ گئے۔
این سی او سی کے مطابق ملک بھر میں مثبت کیسز کی شرح چھ اعشاریہ چار سات فیصد ریکارڈ ہوئی جبکہ تاحال 11 لاکھ 79 ہزار 305 شہری وائرس سے متاثر ہو چکے ہیں۔ ملک میں کورونا کے ایکٹو کیسز کی تعداد 92 ہزار 249 ہو گئی ہے۔
گذشتہ 24 گھنٹے میں کورونا کے 2940 مریض صحت یاب ہوئے جس کے بعد کورونا سے صحت یاب افراد کی مجموعی تعداد 10 لاکھ 60 ہزار 881 ہو گئی ہے۔ گذشتہ 24 گھنٹے کے دوران 57 ہزار 908 کورونا ٹیسٹ کیے گئے، اب تک ملک بھرمیں ایک کروڑ 80 لاکھ 53 ہزار 326 کورونا ٹیسٹ کیے جا چکے ہیں۔ کورونا سے متاثر 5506 مریضوں کی حالت تشویشناک ہے۔
