پاکستان
خلاصہ
- لاہور: (دنیا نیوز) لاہور میں آج صبح سے بارش کا سلسلہ جاری ہے، شہر کے بیشتر علاقوں میں بارشی پانی اور بوندا باندی سے ٹریفک کا نظام درہم برہم ہو گیا۔ بارش کے باعث شہر کی اکثر سڑکوں پر ٹریفک کی روانی سست روی کا شکار ہو گئی۔ لاڑی اڈا، بادامی باغ کے آس پاس کے علاقوں میں بھی شدید ٹریفک جام دیکھنے میں آیا۔
گاڑیوں کی لمبی لمبی لائینیں لگ گئیں، شہر کے اکثر اشارے بھی جواب دے گئے۔ اکثر شاہراہوں کے اشاروں پر ٹریفک وارڈن ڈیوٹی سے غائب ہو گئے، بے ہنگم ٹریفک ہونے سے ٹریفک بری طرح متاثر ہوئی۔ ٹریفک جام ہونے سے بیشتر شہری اپنے دفاتر اور دکانوں سے وقت پر نہ پہنچ سکے، شہر میں بارش کے ساتھ ٹریفک روانی کے ساتھ نہ چلنے پر شہریوں کو مشکلات کا سامنا ہے۔
موسم کا حال بتانے والوں کا کہنا ہے کہ لاہور میں آج وقفے وقفے سے بارش جاری رہے گی۔
