تازہ ترین
  • بریکنگ :- فائرنگ کےتبادلےمیں 6 دہشت گردہلاک،آئی ایس پی آر
  • بریکنگ :- ہلاک دہشتگردوں میں کالعدم بی ایل اے کاکمانڈرطارق عرف ناصر شامل
  • بریکنگ :- آپریشن کےدوران ہتھیاراورگولیاں قبضےمیں لےلی گئیں،آئی ایس پی آر
  • بریکنگ :- دہشتگردوں کےخاتمےکیلئےآپریشنزجاری رہیں گے،آئی ایس پی آر
  • بریکنگ :- امن وامان خراب کرنےکی کسی کواجازت نہیں دی جائےگی،آئی ایس پی آر
  • بریکنگ :- دہشتگردوں کوامن واستحکام تباہ نہیں کرنےدیں گے،آئی ایس پی آر
  • بریکنگ :- بلوچستان کےعوام کی سماجی،اقتصادی ترقی سبوتاژنہیں کرنےدی جائےگی،آئی ایس پی آر
  • بریکنگ :- سیکیورٹی فورسزکاہرنائی میں دہشتگردوں کی موجودگی کی اطلاع پرآپریشن

پی ٹی آئی کی لاہور میں کنٹونمنٹ بورڈز الیکشن میں شکست بارے ابتدائی رپورٹ مرتب

Published On 13 September,2021 11:18 am

لاہور: (دنیا نیوز) کنٹونمنٹ بورڈز انتخابات میں تحریک انصاف کی لاہور میں انتخابی شکست بارے ابتدائی رپورٹ مرتب کرلی گئی۔ لاہور میں کتنا ترقیاتی کام کیا گیا، رپورٹ میں اہم سوال اٹھا دیا گیا۔

ذرائع کے مطابق رپورٹ میں لاہور کو ترقیاتی کاموں کے حوالے سے ترجیح نہ دینا اہم وجہ قرار دیا گیا ہے۔ لاہور کے حوالے سے پارٹی کے مختلف رہنماؤں کا منفی پراپیگنڈہ بھی پی ٹی آئی کی عدم مقبولیت کی وجہ بنی۔

رپورٹ کے مطابق دیہی سطح پر پی ٹی آئی کی مقبولیت بڑھی، شہری حلقوں میں تاحال چیلنجز کا سامنا ہے۔ ذرائع کے مطابق تحریک انصاف کی قیادت کا لاہور میں جعلی ووٹوں کا اصرار۔

رپورٹ میں دعویٰ کیا گیا کہ پنجاب میں 25 فیصد کے قریب جعلی ووٹ ہیں جو سابق دور حکومت میں بنے، لاہور اور شہری حلقوں میں جعلی ووٹوں کے خلاف الیکشن کمیشن سے رجوع بھی کرچکے ہیں، الیکشن کمیشن کو جعلی ووٹوں کے حوالے سے خط بھی لکھ چکے ہیں، جعلی ووٹوں کے اخراج کے لئے الیکشن کمیشن اور دیگر متعلقہ فورمز سے ریلیف لینے کی کوششوں کو تیز کرنے کی تجویز دی گئی۔

ذرائع کے مطابق ٹکٹ کی تقسیم میں کوئی ایشو پیدا نہیں ہوا، کچھ پارٹی رہنماؤں نے مہم میں کام نہیں کیا، پارٹی قیادت اور حکومتی قیادت کے درمیان کواڈینیشن بہتر بنانے کی تجویز دی گئی۔ پارٹی کی تنظیم کی حکومتی سطح پر شنوائی نہ ہونا بھی وجہ بنا۔