تازہ ترین
  • بریکنگ :- وزیرخارجہ شاہ محمودقریشی کااردن کےہم منصب سےٹیلیفونک رابطہ
  • بریکنگ :- اسلام آباد: دوطرفہ تعلقات، باہمی دلچسپی کے امور پر تبادلہ خیال
  • بریکنگ :- پاک اردن تعلقات یکساں اقدارکی بنیاد پراستوارہیں،شاہ محمود قریشی
  • بریکنگ :- دونوں وزرائے خارجہ کا تعاون جاری رکھنے کے عزم کا اظہار
  • بریکنگ :- شاہ محمودقریشی کادوطرفہ تعاون کومزیدمستحکم بنانےکی ضرورت پرزور

الیکشن کمیشن کا آئندہ عام انتخابات میں آرٹی ایس، آر ایم ایس ‏کے استعمال پر اصولی اتفاق

Published On 22 September,2021 02:59 pm

اسلام آباد: (دنیا نیوز) الیکشن کمیشن نے آئندہ عام انتخابات کے لیے نئی حلقہ بندیاں کرنے اور آرٹی ایس، آر ایم ایس ‏کے استعمال پر اصولی اتفاق کرلیا۔

چیف الیکشن کمشنر سکندر سلطان راجہ کی سربراہی میں اجلاس ہوا جس میں اہم فیصلے کرلیے گئے۔ الیکشن کمیشن نے نئی ‏حلقہ بندیاں 2017 کی مردم شماری رپورٹ، آر ٹی ایس اور آر ایم ایس کی گزشتہ انتخابات میں سامنے آنے والی خامیاں نادرا سے مل کر دور کرنے کی ہدایت کر دی۔

الیکشن کمیشن نے غلطیوں سے پاک الیکٹرانک ووٹنگ مشین تیار کرنے کی ہدایت ‏کرتے ہوئے کہا ہے کہ ٹیکنیکل کمیٹی ای وی ایم پر جائزہ جلد مکمل کرے۔ غلطی اور خامی سے پاک ٹیکنالوجی کے استعمال کے حق میں ‏ہیں، حکومت کی جانب سے تاحال ای وی ایم سے متعلق مانگی گئی چیزیں فراہم نہیں ‏کی گئیں۔

دوسری جانب حکومت نے اپوزیشن کے دباؤ پر پارلیمانی کمیٹی بنانے کا فیصلہ کیا ‏ہے۔ سپیکر قومی اسمبلی تمام پارلیمانی لیڈران کو خط لکھ کر جلد ارکان کے نام لیں ‏گے۔ حکومت اور اپوزیشن پر مشتمل پارلیمانی کمیٹی میں انتخابی اصلاحات اور ای وی ‏ایم پر تفصیلی مشاورت ہوگی۔ امکان ہے کہ حکومت اب پارلیمنٹ کا مشترکہ اجلاس نہیں بلائے گی۔