نیویارک: (دنیا نیوز) نیویارک میں شاہ محمود قریشی اور قطر کے نائب وزیراعظم اور وزیر خارجہ محمد بن عبدالرحمان میں ملاقات ہوئی جس میں افغانستان کی صورتحال پر تبادلہ خیال ہوا۔
ملاقات میں دو طرفہ تعاون کے فروغ اور باہمی دلچسپی کے امور پر بات چیت کی گئی۔ دونوں رہنماؤں نے افغانستان کی صورتحال پر بھی تبادلہ خیال کیا اور افغانستان کے لیے عالمی سطح پر عملی اقدامات بڑھانے پر زور دیا۔ شاہ محمود قریشی نے افغانستان میں قیام امن کے لیے قطر کی کاوشوں کی تعریف کی۔
