تازہ ترین
  • بریکنگ :- عمران خان کی زیر صدارت پی ٹی آئی قیادت کا اجلاس
  • بریکنگ :- 13اگست کے جلسے اور شہباز گل کی گرفتاری کی صورتحال پرغور،ذرائع
  • بریکنگ :- 13 اگست کا جلسہ ہر حال میں ہوگا، بھرپور تیاری کریں، عمران خان
  • بریکنگ :- شہباز گل کی گرفتاری، پی ٹی آئی کا ایف آئی اے سے رجوع کرنےکا فیصلہ
  • بریکنگ :- اسلام آباد:درخواست علی اعوان کی جانب سے تیار کی گئی،ذرائع
  • بریکنگ :- عمران خان سمیت پی ٹی آئی قیادت کی شہبازگل کی گرفتاری کی مذمت
  • بریکنگ :- فیصل چودھری شہباز گل کے مقدمے میں معاونت کریں گے، اجلاس میں فیصلہ
  • بریکنگ :- حکومت فاشزم پراترآئی ہے،چیئرمین تحریک انصاف عمران خان
  • بریکنگ :- سیاسی کارکنوں کےساتھ غیرجمہوری رویہ اختیارکیاجارہاہے،عمران خان
  • بریکنگ :- حکومت کےفاشسٹ رویےکوکسی صورت برداشت نہیں کریں گے،عمران خان
  • بریکنگ :- عوام کی طاقت ہمارےساتھ ہے، کسی سےڈرنےوالےنہیں،عمران خان
  • بریکنگ :- اسلام آباد:امپورٹڈ حکومت کےدن گنےجاچکےہیں،عمران خان

قبضہ شدہ زمین کو واگزار کرانے کیلئے قانون کا سختی سے نفاذ یقینی بنایا جائے: وزیراعظم

Published On 30 September,2021 05:19 pm

اسلام آباد: (دنیا نیوز) وزیراعظم عمران خان کا کہنا ہے کہ قبضہ شدہ زمین کو واگزار کرانے کیلئے قانون کا سختی سے نفاذ یقینی بنایا جائے۔

تفصیلات کے مطابق وزیراعظم عمران خان کی صدارت میں قومی رابطہ کمیٹی برائے ہاؤسنگ و تعمیرات کا اجلاس ہوا۔ اجلاس میں وزیرِ مملکت برائے اطلاعات و نشریات فرخ حبیب ، معاونِ خصوصی ڈاکٹر شہباز گِل اور متعلقہ اعلی افسران نے شرکت کی۔

وزیراعظم کو بریفنگ میں بتایا گیا کہ نیا پاکستان ہاؤسنگ کے تحت فراش ٹاؤن اور دیگر انفراسٹرکچر کے منصوبے بھی جلد مکمل کر لئے جائیں گے۔ اسلام آباد میں جنگلات کی زمین کے ریکارڈ کی ڈیجیٹلائزیشن بھی تقریباً مکمل کی جا چکی ہے۔ اجلاس کو سرویئر جنرل کی طرف سے کیڈسٹرل میپنگ پر بھی تفصیلی بریفنگ دی گئی۔

بریفنگ کے دوران بتایا گیا کہ اسلام آباد اور لاہور سمیت پورے ملک میں ڈیجیٹل میپنگ اور سرکاری زمینوں کی نشاندہی پر کام تیزی سے جاری ہے۔ اجلاس کو سپیشل/ سائٹ ڈویلپمنٹ زونز پر بھی بریفنگ دی گئی۔ ڈویلپمنٹ زونز پیری اربن سیٹلمنٹس کو بنیادی سہولیات کی فراہمی یقینی بنائیں گے۔

بریفنگ کے دوران بتایا گیا کہ منصوبے سے زمین کا بہتر استعمال اور غیر قانونی سوسائٹیوں کی روک تھام میں مدد بھی ملے گی۔

وزیراعظم عمران خان کا کہنا تھا کہ حکومت ماحولیاتی تحفظ کیلئے جنگلات کی زمینوں کی حفاظت کو یقینی بنا رہی ہے، فوڈ سکیورٹی اور موسمیاتی تبدیلی اس وقت بشمول پاکستان دنیا بھر کا سب سے اہم مسئلہ ہے۔

ان کا کہنا تھا کہ حکومت قبضہ شدہ زمین کو واگزار کرانے کیلئے اقدامات کر رہی ہے، قبضہ شدہ زمین کو واگزار کرانے کیلئے قانون کا سختی سے نفاذ یقینی بنایا جائے۔ کیڈسٹرل میپمنگ سے ڈیڈ کیپٹل کی نشاندہی اور اس کا بہتر استعمال ممکن ہو سکے گا۔