وادی: (دنیا نیوز) مقبوضہ کشمیر میں بھارتی فوج کی ریاستی دہشت گردی جاری ہے۔ ضلع شوپیاں میں ایک نوجوان کو شہید کر دیا گیا۔
کشمیر میڈیا سروس کے مطابق مقبوضہ وادی کے ضلع شوپیاں کے علاقے رخاما میں قابض فوج نے سرچ آپریشن کی آڑ میں نوجوان کو شہید کیا۔ بھارتی فوج، سی آر پی ایف اور بھارتی پولیس نے مشترکہ طور پر کارروائی میں حصہ لیا۔
گھر گھر تلاشی کے دوران لوگوں کو زدو کوب بھی کیا گیا۔ علاقے میں انٹرنیٹ اور موبائل سروس بند کر دی گئی۔ ظالمانہ کارروائی کے خلاف کشمیری عوام نے احتجاج بھی کیا۔
