تازہ ترین
  • بریکنگ :- مفتاح اسماعیل نےبتایاآئی ایم ایف سے 2 ارب ڈالرمل جائیں گے،وزیراعظم
  • بریکنگ :- ہماری اصل منزل خودانحصاری ہے،شہبازشریف
  • بریکنگ :- فیصلوں پرمشاورت جمہوری عمل ہے،وزیراعظم

وہ معاشرہ کبھی کامیاب نہیں ہوتا جہاں آئین اور قانون کی بالادستی نہ ہو: مریم اونگزیب

Published On 04 October,2021 01:00 pm

لاہور: (دنیا نیوز) مریم اورنگزیب نے کہا ہے کہ وہ معاشرہ کبھی کامیاب نہیں ہوتا جہاں آئین اور قانون کی بالادستی نہ ہو، تین سال بعد جب لوگ 50 لاکھ گھر مانگ رہے ہیں تو بینکوں کی ٹریننگ یاد آگئی۔

ترجمان پاکستان مسلم لیگ (ن) مریم اورنگزیب نے اپنے بیان میں کہا ہے کہ بد قسمتی ہے ہر طبقے سے نوکریاں چھین لی گئیں جبکہ پچاس لاکھ لوگ بے روزگار کر دئیے، عمران صاحب حکومت میں آنے کے لئے آپ نے قوم کو فیک منصوبوں کا چورن بیچا، ‎نواز شریف، شہباز شریف، مریم نواز نہیں بلکہ آپ کی سیاست اور حکومت نواز شریف کے نواسے کے خلاف فیک نیوز کی مرہون منت ہے۔

مریم اورنگزیب کا کہنا تھا کہ ‎عمران صاحب آج کی تقریر میں پنڈورا پیپرز میں سامنے آنے والے وزراء کا استعفیٰ قوم کو دیتے، آج اپنی نیازی لمیٹڈ آف شور کمپنی، وزراء اور اے ٹی ایمز کی آف شور کمپنیوں کی تحقیقات سے آغاز کرتے، ‎عمران خان اپنے تمام اے ٹی ایمز سے استعفیٰ لیں تاکہ ان کے خلاف قانونی کاروائی ہو۔