سرینگر: (دنیا نیوز) مقبوضہ کشمیر میں بھارتی فورسز نے ریاستی دہشت گردی کی کارروائی کے دوران ایک کشمیری کو شہید کر دیا۔
کشمیر میڈیا سروس کے مطابق مقبوضہ وادی کے ضلع اننت ناگ اسلام آباد میں نہتے کشمیری کو اس وقت فائرنگ کر کے شہید کر دیا گیا جب وہ اپنی گاڑی میں سفر کر رہا تھا، ناکے پر موجود سی آر پی ایف کے اہلکاروں نے بغیر کسی وجہ کے شہری کو شہید کر دیا۔
کشمیری عوام نے بھارتی فورسز کی ظالمانہ کارروائی کے خلاف احتجاج بھی کیا۔ سری نگر کے مئیر نے بھی واقعے کی غیر جانبدار تحقیقات کا مطالبہ کیا ہے۔
