وزیراعلیٰ پنجاب عثمان بزدار سے وفاقی وزیر نیشنل فوڈ سکیورٹی سید فخر امام نے ملاقات کی، جس میں باہمی دلچسپی کے امور، فوڈ سکیورٹی اور فصلوں کی پیداوار بڑھانے کے حوالے سے بات چیت کی گئی۔

اس موقع پر عثمان بزدار کا کہنا تھا کہ پنجاب کے پاس گندم کے وافر ذخائر موجود ہیں، پاکستان کی فوڈ سکیورٹی کی ضروریات پوری کرنے میں پنجاب کا سب سے زیادہ حصہ ہے، ہماری حکومت نے کسان کے حقوق کا تحفظ کیا ہے، گندم، گنے اور دیگر فصلیں کاشت کرنے والے کسانوں کو ان کی محنت کا پورا معاوضہ ملا ہے، کاشتکاروں کیلئے کسان کارڈ کا اجراء کیا گیا ہے، ماضی کی حکومتوں نے کاشتکاروں کا استحصال کیا۔