تازہ ترین
  • بریکنگ :- پی ٹی آئی لانگ مارچ،شیخ رشیدکوگرفتاریانظربندکیےجانےکاامکان
  • بریکنگ :- اسلام آباد:فیصلہ آج وزارت داخلہ کےاجلاس میں کیاجائےگا
  • بریکنگ :- شیخ رشیدکےتصادم سےمتعلق بیان کاجائزہ بھی لیاجائےگا

پی ڈی ایم نازک حالات میں بھی منفی سیاست پروان چڑھانے میں مصروف ہے: عثمان بزدار

Published On 12 October,2021 11:45 am

لاہور: (دنیا نیوز) وزیراعلی پنجاب سردار عثمان بزدار نے کہاہے کہ پی ڈی ایم کے عاقبت نااندیش عناصر نازک حالات میں بھی اپنی منفی سیاست کو پروان چڑھا رہے ہیں، عوام انتشار نہیں بلکہ ترقی اور خوشحالی چاہتے ہیں۔

وزیراعلیٰ پنجاب سردار عثمان بزدارسے رکن قومی اسمبلی محمدثناء اللہ مستی خیل نے ایوان وزیراعلی میں ملاقات کی، وزیراعلی کا کہنا تھا کہ منتخب نمائندوں کی ترجیحات کے مطابق ان کے حلقوں میں ترقیاتی کام شروع ہو چکے ہیں۔ عوام کی خدمت ہی میرا مشن ہے-

عثمان بزدار نے کہاکہ پی ڈی ایم کا غیر فطری اتحاد ملکی مفادات کو نظر انداز کئے ہوئے ہے- اپوزیشن نے پاکستان کے مفادات کو داؤ پر لگانے میں کوئی کسر نہیں چھوڑی۔ منفی سیاست کرنے والوں کی ساکھ عوام میں ختم ہوچکی ہے۔

ثناء اللہ مستی خیل نے وزیراعلی کو حلقے کے مسائل سے آگاہ کیا، وزیراعلیٰ نے مسائل جلد حل کرانے کی یقین دہانی کرائی۔