تازہ ترین
  • بریکنگ :- گورنر پنجاب چودھری سروربھی وزیراعظم سےملاقات کریں گے
  • بریکنگ :- گورنرپنجاب دورہ یورپ سےمتعلق وزیراعظم کوبریف کریں گے
  • بریکنگ :- وزیراعظم عمران خان آ ج لاہورکادورہ کریں گے
  • بریکنگ :- وزیراعظم اوروزیراعلیٰ پنجاب عثمان بزدارکی ون آن ون ملاقات ہوگی
  • بریکنگ :- وزیراعظم کو صوبے کےانتظامی اورسیاسی امورپربریف کیاجائےگا

نظام انصاف کی بہتری کیلئے کام کر رہے ہیں: فروغ نسیم

Published On 13 October,2021 11:08 pm

اسلام آباد: (دنیا نیوز) وفاقی وزیر برائے قانون و انصاف بیرسٹر فروغ نسیم نے کہا کہ ملک میں نظام انصاف کی بہتری کیلئے وزارت قانون تمام اسٹیک ہولڈرز کے ساتھ مل کر کام کر رہی ہے اور نظام انصاف کی بہتری کے مسودے سمیت ہر قسم کی قانونی معاونت اور مشورے فراہم کر رہی ہے۔

وزارت قانون و انصاف کےاعلامیے کے مطابق برطانوی ہائی کمشنر ڈاکٹر کرسچن ٹرنر اور ان کی ٹیم نے وفاقی وزیر بیرسٹر فروغ نسیم سے ملاقات کی۔ ملاقات میں باہمی دلچسپی اور قانونی تعاون سے متعلق مختلف امور پر تبادلہ خیال ہوا۔

ملاقات کے دوران پارلیمانی سیکرٹری برائے قانون و انصاف بیرسٹر ملیکا علی بخاری بھی موجود تھیں۔

برطانوی ہائی کمشنر ڈاکٹر کرسچن ٹرنر نے پاکستان میں اہم قانون سازی کیلئے وزیر قانون کی کوششوں کو سراہتے ہوئے کہا کہ فروغ نسیم کی جانب سے کی گئی کریمنل ریفارمز بہت اہم ہیں ، کریمنل ریفارمز سے ملک میں فوجداری مقدمات کے نظام قانون میں مکمل طور پر بہتر تبدیلی آئے گی۔

اس دوران ڈاکٹر فروغ نسیم نے کہا کہ ملک میں نظام انصاف کی بہتری کیلئے وزارت قانون تمام اسٹیک ہولڈرز کے ساتھ مل کر کام کر رہی ہے اور نظام انصاف کی بہتری کے مسودے سمیت ہر قسم کی قانونی معاونت اور مشورے فراہم کر رہی ہے۔

انہوں نے کہا کہ وزارت قانون کو روزانہ تقریبا 100 سے 150 ریفرنس ملتے ہیں اور ان تین سالوں میں وزارت قانون و انصاف نے ایک لاکھ سے زائد مقدمات نمٹا ئے ہیں۔