تازہ ترین
  • بریکنگ :- لاہور:ہمارا مقصد کسی سے انتقام لینا نہیں،وزیرداخلہ پنجاب
  • بریکنگ :- جن لوگوں نے اپنی حدود سے تجاوزکیا انہیں بھگتنا ہوگا،ہاشم ڈوگر
  • بریکنگ :- میں نے کسی پولیس اہلکارکومعطل کرنے کی لسٹ نہیں دی،ہاشم ڈوگر
  • بریکنگ :- یہ پولیس کے سینئرافسران کا کام ہے، وزیرداخلہ پنجاب ہاشم ڈوگر
  • بریکنگ :- شہبازگل کوجس طریقےسےگرفتارکیا گیا یہ غلط تھا،ہاشم ڈوگر
  • بریکنگ :- ریڈ لائن کسی کوبھی کراس نہیں کرنی چاہیے،ہاشم ڈوگر
  • بریکنگ :- عمران خان پرمقدمات درج ہوسکتےہیں تووزیرداخلہ کیخلاف کیوں نہیں؟ہاشم ڈوگر
  • بریکنگ :- ملک میں کوئی بھی قانون سے بالاترنہیں،ہاشم ڈوگر

مہنگائی کے معاملے پر مریم نواز کی وزیراعظم عمران خان پر شدید تنقید

Published On 19 October,2021 05:52 pm

لاہور: (ویب ڈیسک) مہنگائی کے معاملے پر پاکستان مسلم لیگ ن کی صدر مریم نواز نے وزیراعظم عمران خان پر شدید تنقید کی ہے۔

سماجی رابطے کی ویب سائٹ ٹویٹر پر اپنے ایک بیان میں لیگی نائب صدر نے لکھا کہ جس ملک میں عوام فاقوں سے مر رہے ہوں، والدین مہنگائی سے تنگ آ کر بچوں کو زہر پلا کر خود کشیاں کر رہے ہوں، اس ملک کا حکمران اُس ریاست مدینہ کی بات کر رہا ہے جس کا خلیفہ کندھوں پر بوریاں اٹھا کر غریبوں کے گھروں پر دستک دیتا تھا؟ کیا کوئی شخص ایسا بے حس گونگا بہرا اور اندھا بھی ہو سکتا ہے؟

ٹویٹر پر ایک اور پیغام میں مریم نواز نے لکھا کہ ہیلی کاپٹر سے ایک دربار سے دوسرے دربار تک سرکاری خرچ پر سفر کرنے والے کو کیا خبر کہ پاکستان کی عوام پر کیا قیامت گزر رہی ہے؟

ان کا کہنا تھا کہ جس کے کتے بھی اعلیٰ قسم کے گوشت پر پلتے ہوں اسے ریاست مدینہ کا نام زبان پر لاتے ہوئے ہزار بار سوچنا چاہیے لیکن اس سوچ کے لیے بھی دل میں درد ہونا چاہیے، بغض نہیں۔

ایک اور ٹویٹ میں مریم نے لکھا کہ  کوئی اس جعلی اور خدا کے خوف سے عاری حکمران کو حضرت عمرِ فاروق ؓ کا قول یاد کرائے کہ دریا کے کنارے کوئی کتا بھی بھوکا رہ جائے تو جواب دہ عمر ہو گا! عمرِ فاروق ؓ نے اپنےایک کُرتے اور چادر تک کا حساب دیا اور آپ توشہ خانہ ہضم کر گئے؟ اور ڈھٹائی سے کہا نہیں دونگا جواب؟