تازہ ترین
  • بریکنگ :- کوئٹہ گلیڈی ایٹرز کا کراچی کنگز کیخلاف ٹاس جیت کر فیلڈنگ کافیصلہ
  • بریکنگ :- عمیدآصف کی جگہ عمادوسیم کھیلیں گے،کپتان کراچی کنگز
  • بریکنگ :- کوشش کریں گے بڑا اسکور بنائیں، کپتان بابراعظم

ملک میں افراتفری پھیلی ، حکومتی مشینری صورتحال سے بالکل لاعلم ہے: شہباز

Published On 28 October,2021 04:13 pm

لاہور: (ویب ڈیسک) مسلم لیگ (ن) کے صدر اور قومی اسمبلی میں قائد حزب اختلاف شہباز شریف کا کہنا ہے کہ ملک میں افراتفری پھیلی ہے اور حکومتی مشینری موجودہ صورتحال سے بالکل لاعلم ہے۔

سماجی رابطے کی ویب سائٹ ٹویٹر پر اپنی ٹوئٹ میں لیگی صدر نے کہا کہ وفاقی وزراء امن و امان کی صورتحال پر متضاد بیانات دے رہے ہیں، وزرا میں سے ایک نے کہا کہ وزیراعظم عمران خان کالعدم تنظیم کے ساتھ 2020 کے معاہدے سے لاعلم تھے۔

ان کا کہنا تھا کہ ملک میں افراتفری پھیلی ہے جبکہ قیادت کا فقدان ہے، حکومتی مشینری صورتحال سے بالکل لاعلم ہے، یہی عمرا ن خان کے نئے پاکستان کا طرز حکومت ہے، اس حکومت کی حالت کا اندازہ لگائیں جس کا وزیراعظم کہتا ہے اس نے ٹی وی پر روپے کی قدر میں کمی کی خبر سنی، موجودہ حکمران کسی بھی احساس ذمہ داری سے عاری ہیں، ملک آٹو پائلٹ پر ہے کیونکہ بد قسمتی سے ایک کے بعد دوسرا بحران گہرا ہوتا جا رہا ہے۔