لاہور:(دنیا نیوز)پاکستان مسلم لیگ (ن) کی نائب صدر مریم نواز نے اپنی48ویں سالگرہ پر نیک خواہشات کا اظہار کرنے والوں کا شکریہ ادا کردیا۔
سماجی رابطے کی ویب سائٹ ٹوئٹر پر پیغام جاری کرتے ہوئے پاکستان مسلم لیگ(ن) کی سینئر رہنما اور نائب صدر مریم نواز نے لکھا کہ میرے یوم پیدائش پر برتھ ڈے وشز اور دعائیں بھیجنے والوں کی دل سے مشکور ہوں۔
— Maryam Nawaz Sharif (@MaryamNSharif) October 28, 2021
انہوں نے لکھا کہ آپ سب کا غیر معمولی پیار اور عزت میرے لئے اعزاز کی بات ہے،آپ سب کی دعاؤں کا بہت شکریہ، اللہ آپ کا حامی و ناصر ہو۔
یاد رہے کہ مسلم لیگ نون کی نائب صدر اور سابق وزیر اعظم نواز شریف کی صاحبزادی مریم نواز آج اپنی 48 ویں سالگرہ منا رہی ہیں۔وہ 28 اکتوبر 1973 میں پیدا ہوئیں۔
پاکستان مسلم لیگ(ن) کی رکن پنجاب اسمبلی حنا پرویز بٹ نے اس موقع پر کہا کہ میں خوش قسمت ہوں کہ میں ایک دلیر، بہادر، عاجز اور انتہائی شفیق لیڈر مریم نواز کی کارکن ہوں۔
— Hina Parvez Butt (@hinaparvezbutt) October 28, 2021
انہوں نے لکھا کہ مریم نواز کی رہنمائی میں مجھے بہت کچھ سیکھنے کو ملا۔میری طرف سے میری لیڈر اور مستقبل کی وزیراعظم کو بہت بہت ذیادہ سالگرہ مبارک۔ اللہ آپکو زندگی کے ہر قدم پر کامیاب کرے۔
