تازہ ترین
  • بریکنگ :- لاہور:مہنگائی نے عام آدمی کا جینا محال کردیا ،سراج الحق
  • بریکنگ :- پٹرول،گیس اوربجلی کی قیمت میں آئے روزاضافہ ہوتا ہے،سراج الحق
  • بریکنگ :- مزدوروں کے بچے بھوکے سوتے ہیں،سراج الحق
  • بریکنگ :- کرپشن کی وجہ سے ملکی ادارے تباہ ہوگئےہیں،سراج الحق
  • بریکنگ :- کرپشن،لوٹ مارحکمران کرتے ہیں اوربوجھ عوام پرپڑتاہے،سراج الحق

آرمی چیف سے چینی سفیر،دفاعی اتاشی کی ملاقات، افغان امن عمل پر تبادلہ خیال

Published On 05 November,2021 09:34 pm

راولپنڈی:(دنیا نیوز) آرمی چیف جنرل قمر جاوید باجوہ سے چینی سفیر اور نئے دفاعی اتاشی نے ملاقات کی جس میں آرمی چیف نے افغانستان میں امن و استحکام کے لئے تبادلہ خیال کیا گیا اور بامقصد کوششوں پر زور دیاگیا۔

پاک فوج کے شعبہ تعلقات عامہ(آئی ایس پی آر) کے مطابق آرمی چیف جنرل قمر جاوید باجوہ سے چینی سفیر اور نئے دفاعی اتاشی نے ملاقات کی،ملاقات میں باہمی دلچسپی، علاقائی سکیورٹی صورتحال اور افغان امن عمل پر تبادلہ خیال کیا گیا جبکہ ملاقات میں دوطرفہ تعلقات کو مزید مستحکم کرنے سے متعلق بھی بات چیت کی گئی۔

آئی ایس پی آر کے مطابق آرمی چیف نے ملاقت میں کہا کہ علاقائی استحکام کے لیے پرامن اور خوشحال افغانستان ناگزیر ہےجبکہ پرامن اور مستحکم افغانستان کے لیے تمام مثبت کاوشوں کو یکجا کرنا ہو گا۔

جنرل قمر جاوید باجوہ نے نئے دفاعی اتاشی کو ذمہ داریاں سنبھالنے پر مبارکباددیتے ہوئے سابقہ دفاعی اتاشی کی کاوشوں کو سراہا۔