تازہ ترین
  • بریکنگ :- بلوچستان میں طوفانی بارشوں کے باعث تباہ کاریاں
  • بریکنگ :- بارشوں سےقلعہ عبداللہ،مسلم باغ،لسبیلہ،بارکھان سمیت دیگراضلاع میں تباہی
  • بریکنگ :- کوئٹہ:مختلف اضلاع میں سیلابی صورتحال، مویشی ہلاک،رابطہ سٹرکیں بہہ گئیں
  • بریکنگ :- کوئٹہ:قلعہ عبداللہ میں 3 ڈیمزٹوٹ گئے ،10دیہات میں پانی داخل
  • بریکنگ :- کوئٹہ:قلعہ عبداللہ کے کئی دیہات میں ریسکیو آپریشن جاری
  • بریکنگ :- کوئٹہ:قلعہ عبداللہ کے کئی دیہات میں آمدورفت معطل
  • بریکنگ :- کوئٹہ:سیلابی پانی سے سیکڑوں گھر منہدم
  • بریکنگ :- کوئٹہ: ایک ہزارسے زائد افراد کوریسکیو کرلیا،ڈی جی پی ڈی ایم اے
  • بریکنگ :- کوئٹہ:ریسکیو کیےگئےافرادمیں خواتین اوربچےشامل،ڈی جی پی ڈی ایم اے
  • بریکنگ :- قلعہ عبداللہ میں سیلابی پانی کےباعث چمن کوئٹہ کےدرمیان ٹرینوں کی آمدورفت متاثر
  • بریکنگ :- کوئٹہ:بارکھان کےعلاقےبواٹہ میں 2گاڑیاں الٹنےسےٹریفک معطل
  • بریکنگ :- کوئٹہ:اوتھل میں سیلاب سےکوئٹہ کراچی قومی شاہراہ ٹریفک کیلئےبند

12 سے 18 سال کے بچوں کو سائنو فارم اور سائنو ویک ویکسین لگانے کی بھی منظوری

Published On 11 November,2021 02:25 pm

اسلام آباد: (دنیا نیوز) این سی او سی نے صرف ایک روز میں 17 لاکھ افراد کو ویکسین لگانے پر خراج تحسین پیش کرتے ہوئے 12 سے 18 سال کے بچوں کو سائنو فارم اور سائنو ویک لگانے کی بھی منظوری دے دی۔ ان بچوں کو 15 نومبر سے ویکسین لگانے کا عمل شروع کیا جائے گا۔

نیشنل کمانڈ اینڈ آپریشن سینٹر نے اپنے پہلے سیشن میں ملک بھر میں ویکسین لگانے کی جاری مہم پر غور کیا۔ فورم نے ایک روز میں 17 لاکھ افراد کو ویکسین لگانے کی تعریف کی جو کہ اب تک ایک روز میں ویکسین لگانے کا ریکارڈ ہے۔ فورم نے ملک کی اہل نصف آبادی کو کم از کم ویکسین کی ایک خوراک دینے کا عمل مکمل ہونے پر خراج تحسین بھی پیش کیا۔

شرکاء کو بتایا گیا کہ خیبرپختونخوا اپنی اہل نصف آبادی کو ویکسین کی پہلی ڈوز لگانے والا پہلا صوبہ بن گیا۔ شرکاء نے گھر گھر جا کر ویکسین لگانے کی مہم کی بھی تعریف کی۔ شرکاء نے ویکسین لگانے کی مہم میں تیزی لانے پر ٹیم کو خراج تحسین پیش کیا۔

فورم کو بتایا گیا کہ صحت ماہرین نے 12 سے 18 سال کے بچوں کو سائنو فارم اور سائنو ویکس ویکسین لگانے کی منظوری دیدی، ان بچوں کو 15 نومبر سے ویکسین لگانے کا عمل شروع کیا جائے گا۔ شرکاء نے زمینی سرحدوں کے آر پار نقل و حرکت کرنے والے افراد کو ویکسین لگانے کے طریقہ کار کا جائزہ بھی لیا۔ فورم نے دوسری ڈوز لگانے کا عمل تیز کرنے کی بھی ہدایت کی اور کہا دوسری ڈوز لگانے سے شہریوں میں مدافعتی نظام مزید مضبوط ہوگا۔