تازہ ترین
  • بریکنگ :- 400فائربالز،200فائرسوٹس ودیگرآلات بھی این ڈی ایم اےکوفراہم،آئی ایس پی آر
  • بریکنگ :- بلوچستان کےضلع شیرانی کےجنگلات میں لگی آگ بجھانےکی کوششیں جاری
  • بریکنگ :- پی ڈی ایم اےاوراین ڈی ایم اےآگ بجھانےمیں مصروف،آئی ایس پی آر
  • بریکنگ :- جنگلات میں 18مئی کوآگ لگی تھی،آئی ایس پی آر
  • بریکنگ :- فوج اورایف سی بلوچستان ہرممکن تعاون فراہم کررہی ہے،آئی ایس پی آر
  • بریکنگ :- کوئٹہ کورہیڈکوارٹرزپی ڈی ایم اےکیساتھ مکمل رابطےمیں ہے،آئی ایس پی آر
  • بریکنگ :- جنگلات میں آگ 10ہزارفٹ کی بلندچوٹیوں سےشروع ہوئی،آئی ایس پی آر
  • بریکنگ :- شدیدگرم موسم اورہواؤں سےآگ دورتک پھیل گئی،آئی ایس پی آر
  • بریکنگ :- قریب ترین دیہات آگ سے 10 کلومیٹردورہیں،آئی ایس پی آر
  • بریکنگ :- متاثرہ علاقےسے10خاندانوں کومحفوظ مقامات پرمنتقل کردیاگیا،آئی ایس پی آر
  • بریکنگ :- ایف سی بلوچستان نےمیڈیکل ریلیف کیمپ قائم کردیا،آئی ایس پی آر
  • بریکنگ :- ایف سی کاایک ونگ،2آرمی ہیلی کاپٹرزآگ بجھانےمیں مصروف،آئی ایس پی آر
  • بریکنگ :- ایک ہیلی کاپٹرسےآگ پرپانی گرایاجارہاہے،آئی ایس پی آر
  • بریکنگ :- دوسرےہیلی کاپٹرسےفائربالزاورکیمیکلزپھینکےجارہےہیں،آئی ایس پی آر

ٹرائیکا پلس اجلاس: طالبان کے ساتھ روابط جاری رکھنے پر اتفاق

Published On 11 November,2021 06:09 pm

اسلام آباد: (دنیا نیوز) چین، پاکستان، روس اور امریکا کے ’ٹرائیکا پلس‘ اجلاس کے اعلامیہ جاری کر دیا گیا ہے جس میں کہا گیا ہے کہ اعتدال پسندانہ پالیسیوں کے نفاذ کی حوصلہ افزائی کے لیے طالبان کے ساتھ عملی روابط جاری رکھنے پر اتفاق کیا گیا ہے۔

اسلام آباد میں پاکستان کے دفتر خارجہ کی جانب سے جاری اعلامیے میں خواتین اور لڑکیوں کے لیے ہر سطح پر تعلیم تک رسائی پر زور دیا گیا ہے۔

اعلامیے میں مطالبہ کیا کہ طالبان پڑوسی ممالک کے ساتھ دوستانہ رویہ اپنائیں تاکہ افغانستان کی بین الاقوامی قانونی ذمہ داریوں کو پورا کیا جائے۔ان زمہ داریوں میں بین الاقوامی قانون کے عالمی طور پر قبول شدہ اصولوں کا احترام اور بنیادی انسانی حقوق کا احترام شامل ہیں ۔ اس کے علاوہ افغانستان میں غیر ملکی شہریوں اور اداروں کے تحفظ اور جائز حقوق کے احترام پر بھی زور دیا گیا ہے۔

اجلاس میں شریک امریکا ، چین، پاکستان اور روس کے خصوصی نمائندگان برائے افغانستان نے اپنی اس توقع کا اعادہ کیا کہ طالبان اپنے ہمسایوں، خطے کے دیگر ممالک اور باقی دنیا کے خلاف دہشت گردوں کی جانب سے افغان سرزمین کے استعمال کو روکنے کے اپنے عزم کو پورا کریں گے۔

اجلاس نے طالبان پر زور دیا کہ وہ ساتھی افغانوں کے ساتھ مل کر ایک جامع اور نمائندہ حکومت کی تشکیل کے لیے اقدامات کریں جو تمام افغانوں کے حقوق کا احترام کرے اور افغان معاشرے کے تمام پہلوؤں میں خواتین اور لڑکیوں کی شرکت کے لیے مساوی حقوق فراہم کرے۔

اجلاس نے افغانستان سے سفر کرنے کے خواہشمند تمام افراد کو محفوظ راستہ فراہم کرنے کی اجازت دینے کے طالبان کے عزم کا خیرمقدم کیا گیا اور زور دیا گیا کے سردیوں کے آغاز کے ساتھ ہی ملک بھر میں ایسے ہوائی اڈے قائیم کیے جائیں جو تجارتی ہوائی ٹریفک کو قبول کر سکیں۔