تازہ ترین
  • بریکنگ :- 25 مئی کو 3 بجےسری نگرہائی وے پرملوں گا،عمران خان
  • بریکنگ :- ہرمکتبہ فکرکےلوگ لانگ مارچ میں شرکت کریں،عمران خان
  • بریکنگ :- بیوروکریسی نےغیرقانونی کارروائی کی توایکشن لیں گے ،عمران خان
  • بریکنگ :- ہم نےجیل سےنہیں ڈرنا،جان کی قربانی دینی ہے،عمران خان
  • بریکنگ :- تحریک انصاف کا 25 مئی کو لانگ مارچ کا اعلان
  • بریکنگ :- تحریک انصاف کا 25 مئی کو لانگ مارچ کا اعلان
  • بریکنگ :- اسمبلیوں کی تحلیل اورشفاف الیکشن کی تاریخ چاہیے،عمران خان
  • بریکنگ :- اسمبلی تحلیل اورالیکشن کی تاریخ ملنےتک اسلام آباد رہیں گے،عمران خان
  • بریکنگ :- باربارکہا جاتاہے جان کو خطرہ ہے،کوئی خطرہ نہیں،عمران خان
  • بریکنگ :- ہم جان کی قربانی دینے کیلئے تیارہیں،عمران خان
  • بریکنگ :- غلام بننے سے بہتر موت قبول ہے،عمران خان
  • بریکنگ :- ہم چوروں کو کبھی تسلیم نہیں کریں گے،عمران خان
  • بریکنگ :- خوف ہےیہ لوگ پٹرول ،ڈیزل ،انٹرنیٹ بندکردیں گے،عمران خان
  • بریکنگ :- انٹرنیٹ،پٹرول ،ٹرانسپورٹ بندہو گی،پہلےسےتیاری رکھیں،عمران خان

پاکستان ڈیمو کریٹک موومنٹ کا تحریک میں تیزی لانے پر اتفاق

Published On 22 November,2021 04:59 pm

اسلام آباد: (دنیا نیوز) حکومت مخالف اتحاد پاکستان ڈیم کریٹک موومنٹ (پی ڈی ایم ) نے لانگ مارچ سے قبل شٹر ڈاؤن، پہیہ جام کی تیاریاں حتمی مراحل میں داخل ہو گئیں جبکہ تحریک میں تیزی لانے پراتفاق کر لیا گیا، لانگ مارچ کے حوالے سے مارچ 2022ء کی بھی تجویز زیر غور ہے۔

وفاقی دارالحکومت اسلام آباد میں پاکستان ڈیمو کریٹک موومنٹ (پی ڈی ایم) کی سٹیرنگ کمیٹی کا اجلاس ہوا، اجلاس میں حکومت مخالف اتحاد کی جماعتوں کے ممبران نے شرکت کی۔ یہ اجلاس 4 گھنٹے تک جاری رہا۔ پی ڈی ایم کی تحریک اور احتجاج تیز کرنے پر تبادلہ خیال کیا گیا اور تمام جماعتوں کے نمائندوں نے ایجنڈا پر رائے دی۔

اجلاس کے بعد میڈیا سے گفتگو کرتے ہوئے ترجمان پی ڈی ایم حافظ حمد اللہ نے کہا کہ لانگ مارچ سے قبل شٹر ڈاؤن، پہیہ جام کی تیاریاں حتمی مراحل میں داخل ہو گئی ہیں۔ اس کے علاوہ لاہور، گوادر جلسے سمیت تمام آپشن موجود ہیں۔ کل 23 نومبر کو اپنی سفارشات اجلاس اجلاس میں رکھیں گے۔ حکومت مخالف اتحاد کی تمام جماعتوں کے سربراہان کا کل تین بجے اجلاس ہوگا۔ تمام تجاویز پر غور کیا جائےگا اور تمام لائحہ عمل سے آگاہ کیا جائے گا۔

ان کا کہنا تھا کہ پی ڈی ایم نے مسلط بیماری سے نجات دلانے کا بیڑہ اٹھایا ہے۔ پاکستان تحریک انصاف (پی ٹی آئی) کے 126دن کے دھرنے کو زیادہ کوریج دی گئی، پشاورکا جلسہ ناکام نہیں ہوا، رانا شمیم کا بیان حلفی، ثاقب نثارکی آڈیو، سوالات اٹھا رہے ہیں، ہم توپہلے دن سے کہہ رہے ہیں انصاف نہیں ہو رہا، اس کی وضاحت آنی ضروری ہے۔

حافظ حمد اللہ کا کہنا تھا کہ موجودہ حکومت کی شکل میں ملک کو بیماری لاحق ہے۔ پی ڈی ایم تحریک میں تیزی لانے پراتفاق کیا گیا، مارچ میں مارچ کی بھی تجویزہے، مشترکہ اجلاس،پارلیمنٹ کی تاریخ کا سیاہ ترین دن تھا۔