تازہ ترین
  • بریکنگ :- وفاقی وزیرعلی زیدی کی ایم کیوایم کارکنوں پرتشددکی مذمت
  • بریکنگ :- خواتین اور ارکان اسمبلی پرڈنڈے برسائے گئے،علی زیدی
  • بریکنگ :- سندھ حکومت کی مظاہرین پرپولیس گردی شرمناک ہے،علی زیدی
  • بریکنگ :- سندھ میں جنگل کاقانون ہے،عوام کےساتھ نارواسلوک کیاجارہاہے،علی زیدی
  • بریکنگ :- جمہوریت کےلبادےمیں پیپلزپارٹی کاآمرانہ طرزحکومت قابل مذمت ہے،اسدعمر
  • بریکنگ :- دستورپاکستان شہریوں کوپرامن احتجاج کاحق دیتا ہے،اسدعمر
  • بریکنگ :- سندھ میں جماعتی راج کےبجائےپیپلزپارٹی آئینی حقوق کااحترام کرے،اسدعمر
  • بریکنگ :- پولیس کو سندھ سے جرائم کے خاتمےکیلئےاستعمال کیا جائے،اسدعمر

لاہور ہائیکورٹ کی اسکولوں کو ایک ہفتے بند رکھنے کی استدعا مسترد

Published On 23 November,2021 11:57 am

لاہور: (دنیا نیوز) لاہور ہائیکورٹ کے جسٹس شاہد کریم نے اسکولوں کو ایک ہفتے بند رکھنے کی استدعا مسترد کر دی۔ عدالت نے آلودگی کا باعث بننے والی فیکٹریوں کو سیل کرنے کا حکم دے دیا۔

لاہور ہائیکورٹ کے جسٹس شاہد کریم نے شیراز ذکا، آفتاب ورک اور ابو ذرسلمان خان نیازی کی درخواستوں پر سماعت کی، جس میں سموگ کیلئے اقدامات نہ کرنے اور مکمل لاک ڈوان کی استدعا کی گئی۔ عدالتی حکم پر میئر لاہور کرنل ریٹائرڈ مبشر جاوید پیش ہوئے۔

مئیر لاہور نے پنجاب حکومت کی شکایت کہ ان کو صرف 8 فیصد بجٹ استعمال کرنے کی اجازت ہے اور مکمل اختیارات نہیں دئیے جا رہے۔ عدالت نے کہا کہ آگے الیکشن آ رہے ہیں، آپ لاہور کی خدمت کریں۔ جسٹس شاہد کریم نے مئیر لاہور کو فوکل پرسن مقرر کرنے کا بھی حکم دے دیا۔ جسٹس شاہد کریم نے ریمارکس دیئے کہ لاہور کو ایسے ہی صاف کرنا ہے، جیسے ہمارا گھر ہوتا ہے۔