تازہ ترین
  • بریکنگ :- واشنگٹن:امریکاکایوکرین پرروس کےحملےکےخدشےکااظہار
  • بریکنگ :- یوکرین کی صورتحال انتہائی خطرناک ہورہی ہے،ترجمان وائٹ ہاؤس
  • بریکنگ :- روس کسی بھی وقت یوکرین پرحملہ کرسکتاہے،ترجمان وائٹ ہاؤس
  • بریکنگ :- ایساہواتوامریکاردعمل میں تمام آپشن استعمال کرےگا،ترجمان وائٹ ہاؤس
  • بریکنگ :- ہم کسی بھی آپشن کونہیں چھوڑیں گے،ترجمان وائٹ ہاؤس

یہاں سے فوری جائیں، نسلہ ٹاور گرائیں، دوپہر کو رپورٹ دیں: سپریم کورٹ کا کمشنر کو حکم

Published On 24 November,2021 10:21 am

کراچی: (دنیا نیوز) سپریم کورٹ نے کمشنر کراچی کی رپورٹ پر اظہار برہمی کرتے ہوئے حکم جاری کیا کہ یہاں سے فوری جائیں، نسلہ ٹاور گرائیں، دوپہر کو رپورٹ دیں، نسلہ ٹاور کے ساتھ تجوری ہائٹس کی بھی رپورٹ ساتھ لائیں۔

سپریم کورٹ کراچی رجسٹری میں نسلہ ٹاور گرانے سے متعلق کیس کی سماعت ہوئی۔ کمشر کراچی نے عدالت کو بتایا کہ ہم نے نسلہ ٹاور آپریشن شروع کر دیا ہے۔ جس پر چیف جسٹس نے کہا کہ بتائیں عمارت کتنی گری، کتنا کام ہوا ؟ جھوٹ مت بولیں۔ کمشنر کراچی نے کہا کہ عمارت گرانے کی کوشش کر رہے ہیں۔ چیف جسٹس گلزار احمد نے ریمارکس دیئے کہ آپ کوشش چھوڑیں، یہاں سے سیدھا جیل جائیں، ہم سمجھ رہے ہیں آپ نہیں سمجھ رہے، صرف ٹائم پاس کر رہے ہیں۔

 چیف جسٹس گلزار احمد نے ایڈووکیٹ جنرل سندھ سے استفسار کیا کمشنر کراچی کس گریڈ کا افسر ہے ؟ جس پر ایڈووکیٹ جنرل سندھ نے بتایا کہ کمشنر کراچی گریڈ 21 کے افسر ہیں۔ چیف جسٹس نے ریمارکس دیئے کہ گریڈ 21 کے افسر کا عدالت میں بات کرنے کا یہ طریقہ ہوتا ہے ؟ جائیں سارے شہر کی مشینری اور اسٹاف لے کر نسلہ ٹاور گرائیں، تجوری ہائٹس کو بھی اب تک مسمار نہیں کیا گیا، آپریشن چل رہا ہے تو تصاویر کے ساتھ دوپہر تک رپورٹ پیش کریں۔