تازہ ترین
  • بریکنگ :- فیصل آباد:12 سالہ زینب پرتشددکامعاملہ،تھانہ منصورآبادمیں مقدمہ درج
  • بریکنگ :- فیصل آباد:مقدمہ چائلڈ پروٹیکشن افسر کی مدعیت میں درج کیا گیا
  • بریکنگ :- فیصل آباد:مقدمہ زینب کےوالد اورسوتیلی والدہ کیخلاف درج کیاگیا
  • بریکنگ :- مقدمےمیں کمسن بچوں پرتشدد،جبری مشقت کرانےکی دفعات شامل

پیپلز پارٹی پنجاب میں اپنا کھویا ہوا مقام دوبارہ حاصل کرے گی: زرداری

Published On 24 November,2021 09:27 pm

لاہور: (دنیا نیوز) پاکستان پیپلز پارٹی کے شریک چیئر مین اور سابق صدر آصف علی زرداری نے کہا ہے کہ ہماری جماعت پنجاب میں اپنا کھویا ہوا مقام دوبارہ حاصل کر ے گی۔

آصف علی زرداری سے بلاول ہاؤس لاہور میں پیپلز پارٹی سٹی گوجرانوالہ کے صدر میاں حسن ڈار کی ملاقات ہوئی، ملاقات میں ملک کی سیاسی صورتحال اور تنظیمی امور پر بھی تبادلہ خیال کیا گیا۔ سابق صدر نے گوجرانوالا اور فیصل آباد میں پیپلز پارٹی کیلئے ڈار فیملی کی خدمات کو سراہا۔

آصف زرداری نے ودود حسن ڈار این اے 133 میں اسلم گل کی انتخابی مہم میں گرمجوشی سے شرکت کی تعریف کی۔ میاں ودود حسن ڈار نے سابق صدر کو گوجرانوالا آنے کی دعوت دی جو انہوں نے قبول کر لی۔

اس موقع پر آصف زرداری کا کہنا تھا کہ پیپلز پارٹی پنجاب میں پورے زور و شور سے میدان میں اتر چکی ہے، پیپلز پارٹی کو میاں ودود حسن ڈار جیسے ورکروں کی ضرورت ہے، پارٹی پنجاب میں اپنا کھویا ہوا مقام دوبارہ حاصل کر ے گی۔