تازہ ترین
  • بریکنگ :- دریاخان اورگردونواح میں گزشتہ دوروزسےوقفےوقفےسےبارش کاسلسلہ جاری
  • بریکنگ :- دریاخان:بارش کےباعث نشیبی علاقےزیرآب
  • بریکنگ :- جھنگ اورگردونواح میں بارش
  • بریکنگ :- گوجرہ اورگردونواح میں وقفےوقفےسےبارش
  • بریکنگ :- ظفروال اورگردونواح میں موسلادھاربارش
  • بریکنگ :- نشیبی علاقےزیرآب،سڑکیں اورگلیاں تالاب کامنظرپیش کرنےلگیں

افغانستان میں امن کا مطلب پاکستان میں امن ہے: آرمی چیف

Published On 25 November,2021 07:38 pm

راولپنڈی: (دنیا نیوز) آرمی چیف جنرل قمر جاوید باجوہ نے افغانستان کے لیے امداد کی فوری ضرورت پر زور دیتے ہوئے کہا کہ ہمسایہ ملک میں امن کا مطلب پاکستان میں امن ہے۔

پاک فوج کے شعبہ تعلقات عامہ (آئی ایس پی آر) کی طرف سے جاری کردہ بیان کے مطابق اٹلی کے سیکرٹری جنرل ڈیفنس نے جنرل ہیڈ کوارٹرز (جی ایچ کیو) کا دورہ کیا اور سپہ سالار سے ملاقات کی۔

آئی ایس پی آر کے مطابق ملاقات کے دوران باہمی دلچسپی، افغانستان کی صورتحال سمیت علاقائی سکیورٹی کے معاملات پر تبادلہ خیال کیا گیا اور فوجی تعاون، تربیتی امور سمیت انسداد دہشتگردی میں تعاون پر بات چیت کی گئی۔

معزز مہمان نے پاکستان کی مسلح افواج کی پیشہ وارانہ مہارت کا اعتراف کیا، اٹلی کے سیکرٹری ڈیفنس نے افغان امن عمل، بارڈر مینجمنٹ، علاقائی استحکام میں بھی پاکستان کے کردار کو سراہا اوراٹلی کے سیکرٹری جنرل کا مختلف شعبوں میں تعاون بڑھانے کے عزم کا اظہار کیا۔

اس موقع پر سپہ سالار جنرل قمر جاوید باجوہ نے افغانستان کے لیے امداد کی فوری ضرورت پر زور دیتے ہوئے کہا کہ ہمسایہ ملک میں امن کا مطلب پاکستان میں امن ہے اور پاکستان علاقائی اور عالمی معاملات میں اٹلی کے کردار کو قدر کی نگاہ سے دیکھتا ہے۔