تازہ ترین
  • بریکنگ :- وزیرخارجہ بلاول بھٹوسےپیپلزپارٹی خیبرپختونخواکےوفدکی ملاقات
  • بریکنگ :- ملاقات میں مرکزی سیکرٹری اطلاعات فیصل کریم کنڈی اوردیگرموجود
  • بریکنگ :- اسلام آباد: ملاقات میں خیبرپختونخوا کی سیاسی صورتحال پر بات چیت

آرمی چیف سے آرچ بشپ کینٹر بری کی ملاقات، مذہبی ہم آہنگی پر تبادلہ خیال

Published On 28 February,2022 07:02 pm

راولپنڈی:(دنیا نیوز) آرمی چیف جنرل قمر جاوید باجوہ سے چرچ آف انگلینڈ کے آرچ بشپ کینٹر بری کی ملاقات ہوئی جس میں باہمی دلچسپی اور مذہبی ہم آہنگی پر تبادلہ خیال کیا گیا۔

پاک فوج کے شعبہ تعلقات عامہ (آئی ایس پی آر) کے مطابق سپہ سالار سے بشپ کینٹر بری نے ملاقات کی، ملاقات میں برطانوی ہائی کمشنر کرسچن ٹرنر بھی موجود تھے۔

اس موقع پر آرمی چیف نے مسیحی برادری کی پاکستان کے قیام میں کردار پر روشنی ڈالی اور کہا کہ مسیحی برادری ملکی ترقی میں اپنا کردار ادا کر رہی ہے۔

آئی ایس پی آر کے مطابق جنرل قمر جاوید باجوہ نے مسیحی برادری کے تعلیم، صحت اور پبلک ویلفئیر شعبوں میں منظم کردار کی تعریف کی مسیحی برادری کی اور مسلح افواج میں رہ کر ان کی کوششوں کو بھی سراہا۔

آرمی چیف سے ملاقات میں بشپ کینٹر بری نے دہشت گردی اور اقلیتوں کے تحفظ کے لئے پاک فوج کے کردار کو سراہتے ہوئے کہا کہ مسیحی برادری ملکی ترقی میں اپنا کردار ادا کرتی رہے گی۔