تازہ ترین
  • بریکنگ :- ملک بھرمیں کورونا سےمزید2اموات،این آئی ایچ
  • بریکنگ :- 24گھنٹےکےدوران ملک بھرمیں کورونا کے 13ہزار759ٹیسٹ کیے گئے
  • بریکنگ :- ملک بھرمیں 24گھنٹےکےدوران 333کیسز رپورٹ،85کی حالت تشویشناک

باجوڑ: فائرنگ کا تبادلہ، سکیورٹی فورسز کے 2 جوان شہید، 4 امن دشمن ہلاک

Published On 21 March,2022 09:57 pm

راولپنڈی:(دنیا نیوز) ضلع باجوڑ میں سکیورٹی فورسز اور دہشتگردوں میں فائرنگ کے تبادلے میں 4 امن دشمن ہلاک، 2 جوان اور 3 شہری شہید ہو گئے۔

پاک فوج کے شعبہ تعلقات عامہ (آئی ایس پی آر) کے مطابق باجوڑ میں دہشتگردوں کی سکیورٹی فورسز پر فائرنگ سے نائب صوبیدار اشتیاق اور سپاہی کامران وطن پر قربان ہوگئے، 44 سالہ نائب صوبیدار اشتیاق کا تعلق نوشہرہ، 21 سالہ سپاہی کامران کا تعلق ضلع اورکزئی سے ہے جبکہ شہریوں میں عصمت، الہام اور بہادر شامل ہیں۔

سکیورٹی فورسز کی فائرنگ سے 4 دہشتگرد جہنم واصل ہوگئے، مارے جانے والے دہشتگردوں سے اسلحہ و گولہ باردو برآمد کر لیا گیا، دہشتگرد سکیورٹی فورسز کے خلاف کارروائیوں میں ملوث تھے۔

آئی ایس پی آر کے مطابق پاک فوج دہشتگردی کی لعنت کے خاتمے کے لیے پرعزم ہے، ہمارے بہادر جوانوں، معصوم شہریوں کی قربانیاں ہمارا عزم مزید مضبوط کرتی ہیں۔