اسلام آباد:(دنیا نیوز) سپریم کورٹ بار کے صدر احسن بھون نے کہا ہے کہ آج سول ڈریس میں ایک آمر نے غیر آئینی کام کیا، موجودہ صدر مملکت، عمران خان، ڈپٹی اسپیکر اور وزیرقانون پر آرٹیکل 6 لگتا ہے۔
تحریک عدم اعتماد مسترد کئے جانے کے بعد صدر سپریم کورٹ بار نے میڈیا سے گفتگو کرتے ہوئے کہا کہ آج اعلیٰ عدلیہ نے نوٹس نہ لیا تو عوام عدلیہ کو بھی بحران کا حصہ دار سمجھیں گے، پینل آف اسپیکرز میں سے ایازصادق نے اجلاس کیا، وکلا برادری اور سول سوسائٹی کو آگے آنا ہوگا۔
