اسلام آباد: (ویب ڈیسک) کورونا کی پانچویں لہر کے وار کم ہونے لگے۔ ملک میں چوبیس گھنٹے کے دوران مثبت کیسز کی شرح صفر اعشاریہ پانچ آٹھ فیصد ریکارڈ کی گئی۔ کورونا وائرس سے کوئی ہلاکت نہیں ہوئی۔ پاکستان میں کورونا کے تصدیق شدہ کیسز کی تعداد 15 لاکھ 26 ہزار 93 ہوگئی۔
این آئی ایچ کے تازہ ترین اعدادوشمار کے مطابق گذشتہ 24 گھنٹوں کے دوران 170 نئے کیسز رپورٹ ہوئے، پنجاب میں 5 لاکھ 5 ہزار 267، سندھ میں 5 لاکھ 76 ہزار 37، خیبرپختونخوا میں 2 لاکھ 19 ہزار 201، بلوچستان میں 35 ہزار 479، گلگت بلتستان میں 11 ہزار 716، اسلام آباد میں ایک لاکھ 35 ہزار 110 جبکہ آزاد کشمیر میں 43 ہزار 283 کیسز رپورٹ ہوئے۔
ملک بھر میں اب تک 2 کروڑ 76 لاکھ 62 ہزار 867 افراد کے ٹیسٹ کئے گئے، گذشتہ 24 گھنٹوں کے دوران 28 ہزار 967 نئے ٹیسٹ کئے گئے، اب تک 14 لاکھ 86 ہزار 534 مریض صحتیاب ہوچکے ہیں جبکہ 291 مریضوں کی حالت تشویشناک ہے۔
پنجاب میں 13 ہزار 558، سندھ میں 8 ہزار 97، خیبرپختونخوا میں 6 ہزار 322، اسلام آباد میں ایک ہزار 23، بلوچستان میں 378، گلگت بلتستان میں 191 اور آزاد کشمیر میں 792 مریض جان سے ہاتھ دھو بیٹھے۔
