تازہ ترین
  • بریکنگ :- شمالی وزیرستان کےعلاقےمیرعلی میں فوجی قافلےپرخودکش حملہ
  • بریکنگ :- خودکش حملےمیں 4 فوجی جوان شہید،آئی ایس پی آر
  • بریکنگ :- شہدامیں لانس نائیک شاہ زیب،لانس نائیک سجادشامل،آئی ایس پی آر
  • بریکنگ :- شہدامیں سپاہی عمیراورخرم بھی شامل،آئی ایس پی آر
  • بریکنگ :- خفیہ اداروں نےخودکش حملےکی تحقیقات شروع کردیں،آئی ایس پی آر
  • بریکنگ :- خود کش حملہ آور،سہولت کاروں کاپتہ چلایاجارہاہے،آئی ایس پی آر
  • بریکنگ :- پاک فوج دہشتگردی کےناسورکےخاتمےکیلئےپرعزم ہے،آئی ایس پی آر
  • بریکنگ :- بہادرجوانوں کی قربانیاں رائیگاں نہیں جائیں گی،آئی ایس پی آر

عمران خان کی امریکی عہدیداروں سے ملاقات سازش ہے یا مداخلت؟ رانا ثناء اللہ

Published On 20 April,2022 07:13 pm

اسلام آباد:(دنیا نیوز) وفاقی وزیر داخلہ رانا ثناء اللہ نے الہان عمر سے ملاقات کرنے پر عمران خان سے سوالات کئے ہیں کہ امریکی حکومتی عہدیداروں سے ملاقات سازش ہے یا مداخلت، قوم کو جواب دیں۔

امریکی رکن کانگریس الہان عمر سے عمران خان کی ملاقات پر ردعمل دیتے ہوئے وزیر داخلہ کا کہنا تھا کہ الہان عمر سے ملاقات میں کون سی امریکی سازش پر بات ہوئی، قوم جاننا چاہتی ہے؟ اپوزیشن سے امریکیوں کی ملاقات کو سازش کہنے والا اپوزیشن میں جاکر امریکیوں سے کیوں مل رہا ہے؟ کون سی سازش تیار ہو رہی ہے؟ اگر آپ نے قوم کو نہ بتایا تو میں تحقیقات کراؤں گا۔

انہوں نے مزید کہا کہا کہ قوم کو سچائی کا پتہ چلنا چاہیے، یہ نہ ہو کہ عمران نیازی اپنی روایت کے مطابق چند دنوں بعد ایک اور خط سامنے لے آئے، قوم کو امریکہ کے خلاف بھڑکانے والا آج امریکیوں سے ہنس ہنس کر باتیں کر رہا تھا۔

رانا ثنا اللہ کا کہنا تھا کہ جلسوں میں " ابسولیٹلی ناٹ " کے نعروں سے قوم کو بھڑکانے والے نے امریکیوں سے ملاقات کے لئے " ابسولیٹلی یس" کیوں کہا؟۔