تازہ ترین
  • بریکنگ :- کراچی:ماڑی پور روڈپربجلی کی لوڈشیڈنگ کیخلاف احتجاج
  • بریکنگ :- احتجاج کےباعث ماڑی پورآنےاورجانیوالےدونوں ٹریک ٹریفک کیلئےبند
  • بریکنگ :- آئی سی آئی پل،جناح برج نیٹی جیٹی اوراطراف میں گاڑیوں کی قطاریں
  • بریکنگ :- کراچی:ٹاورسےمائی کولاچی روڈتک ہیوی ٹریفک کی قطاریں
  • بریکنگ :- کراچی:بوٹ بیسن سگنل پنجاب چورنگی تک گاڑیوں کی قطاریں

وزیراعظم کی اہم عہدہ دینے کی پیشکش، احد چیمہ کا سروس سے مستعفی ہونے کا اعلان

Published On 24 April,2022 05:55 pm

اسلام آباد:(دنیا نیوز) وزیراعظم سے سابق ڈی جی ایل ڈی اے احد خان چیمہ کی ملاقات ہوئی ہے، شہباز شریف نے اہم عہدہ دینے کی پیشکش کی، احد چیمہ نے کسی بھی عہدے پر تعینات ہونے سے معذرت کرتے ہوئے سروس سے مستعفی ہونے کا اعلان کردیا۔

ذرائع کے مطابق وزیراعظم شہباز شریف سے سابق ڈی جی ایل ڈی اے احد خان چیمہ نے ملاقات کی، احد چیمہ کی شہباز شریف سے گزشتہ روز اسلام آباد میں ملاقات ہوئی۔

احد خان چیمہ کا کہنا تھا کہ میں سروس سے مستعفی ہو رہا ہوں، میں اب سروس میں کسی بھی عہدے پر تعینات نہیں ہونا چاہتا، مجھ پر غلط اور بے بنیاد الزامات عائد کئے لیکن کچھ بھی ثابت نہ ہوسکا، اسٹیبلشمنٹ ڈویژن نے تمام تر تحقیقات کے بعد کلئیر کردیا۔

وزیراعظم شہباز شریف نے کہا کہ چاہتا ہوں کسی اہم عہدے پر تعینات کرکے آپ سے کام لیا جائے، آپ جیسے قابل ایماندار اور زبردست افسران کی شدید کمی ہے۔