تازہ ترین
  • بریکنگ :- چناب نگر:بارشوں کےباعث دریائےچناب میں پانی کی سطح بلندہونےلگی
  • بریکنگ :- چناب نگر:پانی کابہاؤایک لاکھ 55 ہزارکیوسک ریکارڈکیاگیا
  • بریکنگ :- ہیڈقادرآبادکےمقام سےڈیڑھ لاکھ کیوسک کاریلاچنیوٹ کی طرف بڑھ رہاہے
  • بریکنگ :- 24گھنٹےکےدوران مزیدڈیڑھ لاکھ کیوسک پانی کاریلا گزرےگا،کنٹرول روم
  • بریکنگ :- دریائےچناب کےکنارےآبادمکینوں کوفلڈوارننگ جاری کردی گئی،ڈپٹی کمشنر
  • بریکنگ :- چناب نگر:ریسکیو ودیگرمحکموں نےفلڈریلیف کیمپ قائم کردیئے،ڈپٹی کمشنر

عمران خان کا شریف بردارن کی کرپشن پر وائٹ پیپر جاری کرنے کا اعلان

Published On 29 April,2022 04:28 pm

ملتان:(دنیا نیوز) پاکستان تحریک انصاف (پی ٹی آئی) کے چیئرمین اور سابق وزیراعظم عمران خان نے شریف بردارن کی کرپشن پر وائٹ پیپر جاری کرنے کا اعلان کرتے ہوئے کہا کہ بیرونی سازش کے تحت چوروں کا ٹولہ مسلط، جب تک زندہ ہوں ان کا مقابلہ کروں گا، حقیقی آزادی کی تحریک شروع کردی، جنوبی پنجاب کے لوگ اسلام آباد آنے کی تیاری کریں۔

ملتان میں کارکنوں سے خطاب کرتے ہوئے عمران خان نے کہا کہ 75 سالہ ادوار میں ہماری سب سے اہم تحریک ہوگی، چیلنج کرتا ہوں اسلام آباد میں 20 لاکھ لوگوں کو لائیں گے، ملک کے میر جعفر، میر صادق کے ساتھ مل کر بیرونی سازش کی گئی، سازش کو ناکام بنانا ہے، ملک میں الیکشن کرانے ہیں ۔

انہوں نے مزید کہا کہ تھری اسٹوجز مسلط نہیں ہوسکتے، عوام الیکشن میں فیصلہ کریں گے، اگلے دو، تین روز میں شریفوں کی کرپشن پر وائٹ پیپر جاری کریں گے، میری اسلام آباد کی کال ملک کے مستقبل کا فیصلہ کرے گی۔

ان کا کہنا تھا کہ یہ اب پھر عید کے بعد میری کردار کشی کریں گے، پیغام ہے جب تک زندہ ہوں مقابلہ کروں گا، اگر ہم حقیقی آزادی کے لیے نہیں کھڑے ہوں گے تو باہر کے پتلے مسلط ہوتے رہیں گے، اللہ نے کہا جہاد کرو، یہ والا جہاد ہم اپنی زبان سے لڑیں گے، ہمارے سفیر کو بلا کر دھمکی دی گئی، سفیر کو کہا گیا عمران کو نا ہٹایا تو مشکلوں کا سامنا کرنا پڑے گا۔

سابق وزیراعظم نے کہا کہ چیری بلاسم، بوٹ پالش کرنے والے کو مسلط کیا گیا، امریکا ہمیں تمہاری معافی کی کوئی ضرورت نہیں، امپورٹڈ حکومت میں ہر چیز مہنگی ہو چکی، ابھی یہ پٹرول، ڈیزل کو مہنگا کریں گے، چوروں کے ٹولے سے ملک سنبھالا نہیں جا رہا، مجھے دوتہائی اکثریت دلوائیں جنوبی پنجاب صوبہ بنا کر دکھاؤں گا۔