تازہ ترین
  • بریکنگ :- کورونا کے باعث 24گھنٹے کےدوران ایک مریض دم توڑگیا،این آئی ایچ
  • بریکنگ :- 24گھنٹےکےدوران 11ہزار388ٹیسٹ کیے گئے،353کیسز رپورٹ،این آئی ایچ
  • بریکنگ :- 155مریضوں کی حالت تشویشناک،مثبت کیسز کی شرح 3.10فیصد ریکارڈ

وزیراعظم شہباز شریف کی آصف زرداری اور فضل الرحمان سے ملاقات

Published On 16 May,2022 07:47 pm

اسلام آباد: (دنیا نیوز) ملک میں بڑھتی ہوئی سیاسی گہما گہمی کے دوران وزیراعظم شہباز شریف نے پاکستان پیپلز پارٹی کے شریک چیئر مین اور سابق صدر آصف علی زرداری اور امیر جمعیت علمائے اسلام (ف) مولانا فضل الرحمان سے ملاقات کی۔

وزیراعظم اور سابق صدر کے درمیان ملاقات میں موجودہ سیاسی بحران سے نکلنے کے حوالے سے تبادلہ خیال کیا گیا جبکہ شہباز شریف نے لندن میں سابق وزیراعظم نواز شریف سے ہونے والی ملاقات سے متعلق آصف علی زرداری کو اعتماد میں لیا۔

دوسری طرف وزیراعظم سے جمعیت علمائے اسلام ف کے سربراہ مولانا فضل الرحمان نے بھی ملاقات کی، ملاقات میں سیاسی صورتحال سمیت آئندہ کی حکمت عملی کے حوالے سے تبادلہ خیال کیا گیا۔

اس موقع پر وزیراعظم نے مولانا کو یقین دہانی کرواتے ہوئے کہا کہ تمام فیصلے اتحادیوں کی مشاورت سے کیے جائیں گے۔