لاہور: (دنیا نیوز) گورنر پنجاب بلیغ الرحمان نے پنجاب اسمبلی تحلیل کرنے سے متعلق نوٹیفکیشن جاری نہ کرنے کا فیصلہ کیا ہے۔
گورنر پنجاب بلیغ الرحمان نے پنجاب اسمبلی تحلیل کرنے کی سمری پر دستخط نہ کرنے کا فیصلہ کرتے ہوئے کہا ہے کہ میں پنجاب اسمبلی تحلیل کرنے کے عمل کا حصہ نہیں بنوں گا۔
انہوں نے کہا ایسا کرنے سے آئینی عمل میں کسی قسم کی رکاوٹ کا کوئی اندیشہ نہیں کیونکہ آئین اور قانون میں صراحت کے ساتھ تمام معاملات کے آگے بڑھنے کا راستہ موجود ہے۔
یہ بھی پڑھیں: لاہور ہائیکورٹ نے گورنر پنجاب کو ہٹانے کیلئے درخواست پر لارجر بینچ تشکیل دے دیا
واضح رہے گورنر پنجاب کی جانب سے پنجاب اسمبلی کی تحلیل کیلئے بھیجی گئی سمری پر دستخط کرنے سے انکار کے بعد بھی آئین کے مطابق اسمبلی تحلیل تصور کی جائے گی۔
