اسلام آباد: (دنیا نیوز) پاکستان تحریک انصاف کے رہنما فواد چودھری کاکہنا ہے کہ سپریم کورٹ کو شہباز شریف کو بھی فارغ کر کے مریم نواز کی خواہش پوری کر دینی چاہیے ۔
سماجی رابطے کی ویب سائٹ ٹوئٹر پر ایک بیان میں پاکستان تحریک انصاف کے رہنما فوادچودھری نے کہاکہ امید ہے اسٹیٹ بینک آج سپریم کورٹ کے حکم ہر عمل کرے گا اور آئین کے تحت انتخابات کیلئے رقم الیکشن کمیشن کو جاری کر دی جائیگی۔
فواد چودھری نے کہا کہ اگر ایسا نہیں ہوتا تو اسٹیٹ بینک گورنر توہین عدالت میں فارغ ہوں گے لیکن سپریم کورٹ کو شہباز شریف کو بھی فارغ کر کے مریم نواز کی خواہش پوری کر دینی چاہئے۔
امید ہے اسٹیٹ بینک آج سپریم کورٹ کے حکم ہر عمل کرے گا اور آئین کے تحت انتخابات کیلئے رقم الیکشن کمیشن کو جاری کر دی جائیگی، اگر ایسا نہیں ہوتا تو اسٹیٹ بینک گورنر تو توہین عدالت میں فارغ ہوں گے لیکن سپریم کورٹ کو شہباز شریف کو بھی فارغ کر کے مریم نواز کی خواہش پوری کر دینی چاہئے
— Ch Fawad Hussain (@fawadchaudhry) April 17, 2023
ایک اور ٹویٹ میں رہنما پاکستان تحریک انصاف کا کہنا تھا کہ جعلی کیسز کی بھرمار میں ایک اور اضافہ علی زیدی پر ہونیوالا کیس ہے، ایک آدمی تھانے میں آیا اس کے بارے میں معلوم ہوا موصوف پرانے اشتہاری ہیں ، اس نے کہا دس سال پہلے علی زیدی نے میرے سے پندرہ کروڑ روپے لئے اور پراپرٹی کے کاغذات دئیے۔
جعلی کیسز کی بھرمار میں ایک اور اضافہ علی زیدی پر ہونیوالا کیس ہے، ایک آدمی تھانے میں آیا اس کے بارے مین معلوم ہوا موصوف پرانے اشتہاری ہیں ، اس نے کہا دس سال پہلے علی زیدی نے میرے سے پندرہ کروڑ روپے لئے اور پراپرٹی کے کاغذات دئیے، نہ علی زیدی اس شخص کو جانتا ہے نہ وہ شخص علی کو… https://t.co/E1i7oREMq1
— Ch Fawad Hussain (@fawadchaudhry) April 17, 2023
فوادچودھری نے مزید کہا کہ نہ علی زیدی اس شخص کو جانتا ہے نہ وہ شخص علی کو پہچانتا ہے، لیکن اس درخواست پر فوری پرچہ ہوا اور سابق وفاقی وزیر اور کراچی کے ممبر قومی اسمبلی کو دھکے دے کر پابند سلاسل کر دیا گیا۔
