لاہور: (دنیا نیوز) عید کی خوشیاں مستقل غم میں تبدیل ہوگئیں، گوجرانوالہ اور ملتان میں مکان کی چھت گرنے کے واقعات میں 3 بچے جان کی بازی ہار گئے ہیں۔
ریسکیو ذرائع کے مطابق گوجرانوالہ میں حیدری روڈ پر واقعہ گھر کی بوسیدہ چھت گرنے سے باپ اور 2 بچے ملبے تلے دب گئے، ملبے تلے دب جانے والے 2 بھائی دم توڑ گئے، جاں بحق بچوں میں 10 سالہ عبدالہادی اور 3 سالہ ارحم شامل ہیں۔
دوسرے واقعہ کے مطابق ملتان میں دنیا پور روڈ پر خستہ حال مکان کی چھت گر گئی، چھت کے ملبے تلے دب کر ایک بچہ جاں بحق جبکہ دو افراد زخمی ہوگئے، ریسکیو ٹیم نے زخمیوں کو نشتر ہسپتال منتقل کر دیا۔
