لاہور: (دنیا نیوز) میٹرک کے ملتوی ہونے والے امتحانی پرچوں کی نئی تاریخوں کا اعلان کر دیا گیا۔
نئے شیڈول کے مطابق ملتوی شدہ امتحانات کا آغاز 17 مئی سے ہو گا، 17 مئی کو ترجمہ القرآن اور اخلاقیات کا امتحان ہو گا، 18 مئی کو کیمسٹری اور جنرل سائنس کا امتحان لیا جائے گا۔
19 مئی کو اسلامیات اور سیرت الرسولؐ کا پرچہ ہو گا، لاہور بورڈ سمیت پنجاب کے تمام بورڈز پر نئے شیڈول کا اطلاق ہو گا۔
دوسری جانب فیڈرل بورڈ آف انٹرمیڈیٹ اینڈ سیکنڈری ایجوکیشن اسلام آباد نے میٹرک کے ملتوی ہونے والے پرچوں کی نئی تاریخوں کا اعلان کر دیا۔
کنٹرولر امتحانات کے مطابق انٹرمیڈیٹ کی بھی نئی تاریخوں کے ساتھ ڈیٹ شیٹ جاری کر دی گئی، نئی تاریخوں کا شیڈول فیڈرل بورڈ کی ویب سائٹ پر اپ لوڈ کر دیا گیا ہے۔
